مئیر کراچی بیرسٹر مرتضیٰ وہاب نے زیرِ تعمیر شاہراہِ بھٹو کے مختلف حصوں کا دورہ کرتے ہوئے جاری ترقیاتی کاموں کا جائزہ لیا۔ اس موقع پر انہوں نے کہا کہ وہ اس وقت شاہراہِ بھٹو کے اُس حصے پر موجود ہیں جو جام صادق برج کو کراس کرتے ہوئے تاج حیدر برج سے گزر کر مسجدِ عائشہ کی جانب جائے گا۔ انہوں نے بتایا کہ یہ منصوبہ شہر کی ٹریفک اور کنیکٹیویٹی کے لیے انتہائی اہمیت کا حامل ہے اور اس کی تکمیل سے شہریوں کو بہتر سفری سہولیات میسر آئیں گی۔ میئر کراچی نے کہا کہ شاہراہِ بھٹو کا یہ حصہ شہر کے مختلف علاقوں کو آپس میں منسلک کرنے میں کلیدی کردار ادا کرے گا۔ انہوں نے بتایا کہ برج کی تعمیر اب آخری مراحل میں داخل ہو چکی ہے جبکہ تاج حیدر پل اور کورنگی کازوے برج بھی واضح طور پر مکمل ہوتے دکھائی دے رہے ہیں۔ انہوں نے کہا کہ اس پورے منصوبے کی تکمیل سے کراچی میں ٹریفک کے دباؤ میں نمایاں کمی آئے گی اور سفر کا دورانیہ مختصر ہوگا۔ انہوں نے کہا کہ پاکستان پیپلز پارٹی نے عوام سے جو وعدے کیے تھے وہ پورے کیے جا رہے ہیں۔ انہوں نے اعلان کیا کہ 23 مئی کو بلاول بھٹو زرداری قیوم آباد سے کاٹھور تک شاہراہِ بھٹو کا باضابطہ افتتاح کریں گے، جو کراچی کے لیے ایک تاریخی موقع ہوگا۔ میئر کراچی نے کہا کہ جو لوگ یہ کہتے ہیں کہ پاکستان پیپلز پارٹی کام نہیں کرتی، وہ خود آ کر جاری ترقیاتی منصوبے دیکھ لیں۔ انہوں نے کہا کہ پیپلز پارٹی اپنی عوامی خدمت کے منشور پر عمل کرتے ہوئے دن رات کراچی کی بہتری اور ترقی کے لیے کام کر رہی ہے۔
Read Next
13 گھنٹے ago
بلدیہ عظمیٰ کراچی رمضان المبارک سے قبل برنس روڈ کو جدید اور شاندار فوڈ اسٹریٹ میں تبدیل کرے گی،میئر کراچی مرتضیٰ وہاب
2 دن ago
کلفٹن آدم روڈ کی بہتری و بحالی کے منصوبے کا سنگِ بنیاد رکھ دیا،میئر کراچی بیرسٹر مرتضیٰ وہاب
3 دن ago
*بلدیہ عظمیٰ کراچی میں جاری ترقیاتی اسکیموں میں ردوبدل پر مکمل پابندی عائد*
3 دن ago
میئر کراچی نے پی آر سی پمپنگ اسٹیشن کی بحالی کے بعد افتتاح کردیا،30 سال بعد کیماڑی میں بلک واٹر سپلائی میں نمایاں بہتری
4 دن ago
*بلدیہ عظمیٰ کراچی 20 سال بعد نیشنل ایج گروپ سوئمنگ چیمپئن شپ کی میزبانی کرے گی*
Related Articles
شہریوں کے بلدیاتی مسائل کے حل کے لئے میئر کراچی کی ای کچہری،متعلقہ افسران کو شکایات فوری دور کرنے کی ہدایت
4 دن ago
ضلع شرقی چنیسر ٹاؤن میں ترقیاتی منصوبوں کا سنگ بنیاد،سڑکوں اور نکاسی آب کے نظام کو بہتر بنایا جائے گا،میئر کراچی بیرسٹر مرتضیٰ وہاب
5 دن ago
مینگروو بائیو ڈائیورسٹی پارک کا دورہ، پارک جلد عوام کے لیے کھول دیا جائے گا،میئر کراچی بیرسٹر مرتضیٰ وہاب
6 دن ago


