کمشنر لاہور مریم خان کا ضلع شیخوپورہ کا دورہ، مین بازار میں جاری بیوٹیفکیشن، ترقیاتی کاموں کا جائزہ

وزیر اعلیٰ پنجاب کی ہدایات کے مطابق کمشنرلاہورڈویژن مریم خان کے بازاروں کی بیوٹیفیکیش و اپ گریڈیشن جائزہ کے حوالے سے اضلاع کے دورے جاری ہیں۔ کمشنر لاہور مریم خان نے ضلع شیخوپورہ کا دورہ کیا اور مین بازار میں جاری بیوٹیفکیشن ترقیاتی کاموں کا جائزہ لیا۔ اس موقع پر ڈی سی شیخوپورہ شاہد عمران مارتھ بھی ہمراہ موجود تھے۔تاجر تنظیموں کے رہنماؤں نے کمشنر لاہور مریم خان کا بازار میں پرتباک استقبال کیا گلدستے پیش کیے۔ تاجران تنظیموں نے خوشی کا اظہار کرتے ہوئے وزیراعلی پنجاب کا خصوصی شکریہ ادا کیا۔ انہوں نے کہا کہ شیخوپورہ میں مین بازار کی اپ گریڈیشن/بیوٹیفکیشن اعلی پیمانے پر ہورہی ہے۔ تاجروں نے بازار کی اپ گریڈیشن و ترقیاتی کاموں پر اطمینان کا اظہار کیا۔ کمشنرلاہورڈویژن مریم خان نے گفتگو کرتے ہوئے کہا کہ وزیراعلی پنجاب کی ہدایت پر شیخوپورہ کے سب سے بڑے بازار کی اپ گریڈیشن و بیوٹیفکیشن پر تیزی سے کام جاری ہے، شیخوپورہ ماڈل بازار میں سیوریج، بیوٹیفکیشن، ٹف ٹائلنگ، تکمیلی مراحل میں ہے۔ انہوں نے کہا کہ بازار میں نئی ڈرین ڈالی گئی ہے، تمام تاروں کو ٹرے میں سےگزارا گیا ہے، ہر دکان کا یکساں دیدہ زیب فساڈ، مین روڈ اور بازار کی ذیلی گلیوں کو بھی اپ گریڈ کیا جارہا ہے۔ کمشنر لاہور نے کہا کہ بازار میں تجاوزات کا مکمل خاتمہ کردیا گیا ہے پیدل چلنے والوں کو سہولت ہو گی، بازار کو خواتین اور بچوں کی سہولت اور شاپنگ کے لیے ماڈل بنایا جا رہا ہے، مین بازار پراجیکٹ تکمیل سے شہر کی خوبصورتی میں اضافہ اور کاروبار کو فروغ ملے گا۔بعد ازاں کمشنر لاہور مریم خان نے ڈسٹرکٹ پبلک سکول شیخوپورہ کے نئے اکیڈیمک بلاک کا افتتاح کیا۔ انہوں نے کوٹ رنجیت چوک اور گجرانوالہ روڈ شیخوپورہ انڈر پاس کی بیوٹیفیکیشن پراجیکٹ کا سنگ بنیاد بھی رکھا۔