صوبائی حکومت کی خصوصی ہدایات کی روشنی میں محکمہ منصوبہ بندی و ترقی میں شفافیت اور جواب دہی کے اقدامات کے حوالے سے ایک جائزہ اجلاس سیکرٹری محکمہ منصوبہ بندی و ترقی عدیل شاہ کی زیر صدارت منعقد ہوا۔اجلاس میں شکایت سیل و فرنٹ ڈیسک کے قیام، عوامی شکایات کے میرٹ پر مبنی ازالے اور میرٹ پر مبنی تبادلوں پر گفتگو کی گئی۔فیصلہ کیا گیا کہ متعلقہ سیکشنز اٹیچڈ فارمیشن سے زیر التوا معلومات پر فوری فالو اپ کریں اور تعمیل کی صورتحال کا ہفتہ وار جائزہ لیا جائے گا جس میں شواہد پر مبنی رپورٹنگ کو ترجیح دی جائے گی۔ سیکرٹری نے کہا کہ اس مشق کا مقصد شفافیت میں بہتری، ادارہ جاتی جواب دہی اور شہریوں کو بروقت خدمات کی فراہمی ہے اور ہدایت کی کہ شفافیت اور جواب دہی کے ایجنڈے پر عمل درآمد کو اولین ترجیح دیں۔
*محکمہ منصوبہ بندی و ترقی خیبر پختونخوا میں شفافیت اور جواب دہی کے اقدامات کے حوالے سے جائزہ اجلاس*
