حاجی ہارون صفت فریضۂ حج کی ادائیگی کے بعد وطن واپس پہنچ گئے،لوکل کونسلز ایسوسی ایشن خیبرپختونخوا کی جانب سے مبارکباد

ممبر لوکل کونسلز ایسوسی ایشن خیبرپختونخوا اور سابق چیئرمین تحصیل لوکل گورنمنٹ پشتخرہ پشاور، حاجی ہارون صفت فریضۂ حج کی سعادت حاصل کرنے کے بعد وطن واپس پہنچ گئے۔حاجی ہارون صفت کی وطن واپسی پر سابق گورنر خیبرپختونخوا حاجی غلام علی، کوآرڈینیٹر لوکل کونسلز ایسوسی ایشن خیبرپختونخوا انتظار خلیل، اسسٹنٹ ڈائریکٹر لوکل گورنمنٹ ملک ارشد خان، سابق چیئرمین حیات آباد پشاور میاں اصف، عالمگیر خان آفریدی، حاجی جلیل جان (رہنما جمعیت علماء اسلام) سمیت مختلف مکاتبِ فکر سے تعلق رکھنے والے افراد نے ان کی رہائش گاہ پر حاضری دی اور ملاقات کرکے مبارکباد پیش کی۔اس موقع پر کوآرڈینیٹر لوکل کونسلز ایسوسی ایشن خیبرپختونخوا انتظار خلیل نے صدر لوکل کونسلز ایسوسی ایشن خیبرپختونخوا، سابق ممبر قومی اسمبلی اور سابق میئر مردان حمایت اللہ مایار، ترجمان ایسوسی ایشن عزیز اللہ مروت اور خیبرپختونخوا بھر کے بلدیاتی نمائندوں کی جانب سے حاجی ہارون صفت کو مبارکباد پیش کی۔حاجی ہارون صفت نے تمام معزز مہمانوں کا شکریہ ادا کرتے ہوئے ان کی نیک خواہشات پر اظہارِ تشکر کیا اور کہا کہ حج کی سعادت اللہ تعالیٰ کا خاص فضل و کرم ہے، جس پر وہ ربِ کریم کے بے حد شکر گزار ہیں۔