ڈپٹی کمشنر لاہور سید موسٰی رضا کی قیادت میں اسسٹنٹ کمشنر سٹی نے ڈومیسائل کا حصول آسان ترین کر دیا ہے. ڈی سی لاہور سید موسیٰ رضا کی ہدایت پر اسسٹنٹ کمشنر سٹی رائے بابر نے تحصیل سٹی میں ڈومیسائل سرٹیفکیٹ کے اجراء کے لئے ترامیم کی. عوامی خدمات کو بہتر بنانے اور ایجنٹ مافیا کے کردار کو ختم کرنے کے لئے ڈومیسائل دستاویز میں ترامیم کی گئی. پہلے فیز میں یہ ترامیم صرف تحصیل سٹی کے درخواست دہندگان پر نافذ ہوں گی. پی فارم اور نوٹری پبلک ٹکٹ کی شرائط کو ڈومیسائل سرٹیفکیٹ کی فائل جمع کروانے کے لئے ختم کر دیا گیا ہے. درخواست دہندگان کو خدمت مرکز کے سسٹم سے ہی پی فارم جاری کر دیا جائے گا اور بیان حلفی لف کرنے کی شرط ختم، ای خدمت مرکز سے ہی جاری شدہ کمپیوٹرائزڈ فارم پر بیان حلفی لیا جائے گا. ڈی سی لاہور نے کہا کہ فائل جمع کرواتے وقت تصاویر لف کرنے کی شرط کو ختم کر دیا گیا ہے اور ای خدمت مرکز میں پراسس کے وقت لی جانے والی تصویر ہی ریکارڈ کے لئے استعمال کی جائے گی اور شناختی کارڈ پر دوہرا پتہ رکھنے والے درخواست گزار کے لئے این او سی لف کرنے کی شرط کو بھی ختم کر دیا گیا ہے. صوبہ پنجاب کی حدود سے باہر شناختی کارڈ پر دوہرا پتہ ہونے کی صورت میں اپنے متعلقہ ضلع کا این او سی لف کرنا لازمی ہے. ڈی سی لاہور سید موسیٰ رضا نے کہا کہ عوام الناس کو ہر ممکن ریلیف فراہم کرنے کی کاوشیں جاری ہیں
