وزیر ہاؤسنگ اینڈ اربن ڈویلپمنٹ پنجاب بلال یاسین کی زیر صدارت محکمہ ہاؤسنگ کا اہم اجلاس ہوا۔ صوبائی وزیر بلال یاسین نے نقشوں کی منظوری کے عمل کو شفاف، تیز رفتار اور آن لائن نظام سے مزید مؤثر بنانے پر زور دیا۔ پنجاب میں منظور شدہ نقشوں کے بغیر تعمیرات کسی صورت برداشت نہ کرنے کا فیصلہ کیا گیا۔ صوبائی وزیر بلال یاسین نے محکمہ ہاؤسنگ کو غیر قانونی تعمیرات کے خلاف کارروائی مزید تیز کرنے کی ہدایت کردی۔ تعمیراتی منصوبوں میں متعلقہ قوانین اور بلڈنگ بائی لاز پر سختی سے عملدرآمد یقینی بنایا جائے گا۔ تمام ڈویلپمنٹ اتھارٹیز کو غیر قانونی کمرشلائزیشن اور رہائشی علاقوں میں قواعد کی خلاف ورزی پر فوری کارروائی کا حکم دیا گیا۔ انہوں نے واضح کیا کہ غیر قانونی تعمیرات میں ملوث عناصر اور سہولت کاری کرنے والے اہلکاروں کے خلاف بلاامتیاز کارروائی کی جائے گی۔ صوبائی وزیر بلال یاسین نے شہریوں کو نقشے کی منظوری کے بغیر تعمیرات سے گریز کرنے اور قانونی طریقہ کار اپنانے کی استدعا کردی۔ غیر قانونی عمارتوں سے عوامی جان و مال کو لاحق خطرات کے پیش نظر حفاظتی اقدامات سخت کرنا ہوں گے۔ کسی انسانی جان کی کوئی قیمت نہیں، حادثات پر ہر ممکن قابو پانے کیلئے نیک نیتی سے کام کیا جائے۔ عوامی شکایات کے فوری ازالے اور غیر قانونی تعمیرات کی بروقت نشاندہی کیلئے نظام کو مزید فعال کیا جائے گا۔ بلال یاسین نے کہا کہ قانون کی بالادستی، محفوظ شہری ماحول اور منظم اربن پلاننگ حکومت پنجاب کی اولین ترجیحات ہیں۔ اجلاس میں اسپیشل سیکرٹری ہاؤسنگ، ایڈیشنل سیکرٹری ٹیکنیکل، ایل ڈی اے اور دیگر اداروں کے افسران شریک تھے۔
Read Next
2 دن ago
*ورلڈ بینک کے وفد کا اپنی چھت اپنا گھر پروگرام کے تحت ٹھوکر نیاز بیگ اور کاہنہ میں تعمیر شدہ مکانات کا دورہ،*
3 دن ago
واسا لاہور میں اسمارٹ واٹر میٹرنگ کے جدید نظام کا باقاعدہ آغاز
4 دن ago
*روڈا کی جانب سے دیہی علاقوں میں شرح خواندگی کے فروغ کے لیے 22 غیر رسمی سکولوں کا افتتاح*
5 دن ago
واسا لاہور کی واٹر ٹیسٹنگ لیبارٹری، بین الاقوامی ایکریڈیٹیشن کے تسلسل کی منظوری کیلئے اہم مرحلہ کامیابی سے مکمل
5 دن ago
Danish Delegation Visits WASA Lahore, Discusses Investment Opportunities in Mega Development Projects
Related Articles
*وزیر ہاؤسنگ بلال یاسین کی زیر صدارت بینک آف پنجاب میں بلاسود قرضوں کی فراہمی سے متعلق اہم اجلاس*
1 ہفتہ ago
روڈا نے ملک میں پہلی بار کوڑا ڈھیر سے میتھین گیس اخراج میں کمی کے حوالے سے عملی اقدام کا آغاز کر دیا
1 ہفتہ ago




