فیروزپور روڈ انڈسٹریل ایسوسی ایشن کے وائس پریزیڈنٹ شفیق احمد بٹ کی قیادت میں وفد کی میاں مرغوب احمد سے ملاقات

وائس چیئرمین ایل ڈی اے میاں مرغوب احمد سے صنعت کاروں اوربزنس کمیونٹی کے وفدنے ملاقات کی ۔ وفدکی قیات فیروزپور روڈ انڈسٹریل ایسوسی ایشن کے وائس پریزیڈنٹ شفیق احمد بٹ کررہے تھے۔ وفد نے وائس چیئرمین ایل ڈی اے میاں مرغوب احمد کوصنعت کاروں کو درپیش مسائل سے آگاہ کیا۔ اس موقع پر میاں مرغوب احمدنے صنعت کاروں کودرپیش مسائل کے جلد اور موثر حل کی یقین دہانی کرواتے ہوئے کہا کہ بزنس کمیونٹی ملکی معیشت کا اہم ستون ہے،اسے تحفظ دیناہماری اولین ترجیح ہے۔ صنعتوں کا فروغ معاشی ترقی،روزگار کے مواقع اور خوشحال پاکستان کی بنیاد ہے۔میاں مرغوب احمد نے کہا کہ صنعت کاروں کے مسائل کا حل مسلم لیگ حکومت کی اولین ترجیح ہے۔ قائد مسلم لیگ ن میاں نوازشریف اوروزیراعلی پنجاب مریم نواز کے وژن کے مطابق صنعت کاروں،بزنس کمیونٹی کے مسائل حل کریں گے۔ اس موقع پر چیف میٹروپولیٹن پلانرایل ڈی اے فیصل مسعود ودیگر افسران بھی موجود تھے۔