کمشنر لاہور زید بن مقصود کی زیر صدارت 14اگست و آزادی فلوٹ تقریبات اور انتظامات کے حوالے سے اجلاس منعقد ہوا۔
کمشنر لاہور نے کہا کہ راولپنڈی سے چلنے والا پاکستان کی تمام اکائیوں کی نمائندگی کرنیوالا منفرد یوم آزادی کلچرل فلوٹ آج دوپہر 13اگست کو مرید کے سے لاہور ڈویژن میں داخل ہوگا۔ جبکہ سہ پہر کو فیروزوالہ تحصیل سے لاہور شہر میں داخل ہوگا۔راولپنڈی سے چلنے والے آزادی فلوٹ کا جی ٹی روڈ کی تمام تحصیلوں و اضلاع میں فقیدالمثال استقبال ہورہا ہے۔کمشنر لاہور کو ڈویژن کے تمام ڈی سی ز نے آزادی فلوٹ کی سکیورٹی۔قیام اور روٹ پر بریفنگ دی۔ ڈی سی لاہور نے آزادی فلوٹ کے استقبال۔قیام اور تقریبات کے حوالے سے تفصیلات سے آگاہ کیا۔کمشنر لاہور نے ہدایت کی کہ آزادی فلوٹ کے تقریبات مقام کے تعین کیلئے بارش کے فیکٹر کو ضرور مدنظر رکھا جائے تا کہ بارش کی وجہ سے تقریبات متاثر نہ ہوں۔کمشنر لاہور نے کہا کہ جشن آزادی پاکستان کے سلسلے میں سرکاری و نجی عمارات کو برقی قمقموں اور سبز ہلالی پرچموں سے آراستہ کیا جارہا ہے آزادی کی تقریبات پورے جوش و جذبے سے منائی جارہی ہیں۔ کمشنر لاہور نے کہا کہ صوبائی دارالخلافہ لاہور میں یوم آزادی پاکستان کی مرکزی تقریب حضوری باغ میں ہوگی۔انہوں نے کہا کہ لاہور میں وزراعلی پنجاب آزادء کرکٹ کپ۔آزادی مارشل آرٹ کپ اور آزادی سوئمنگ کپ کا انعقاد جاری ہے اور اس کے ساتھ لاہور میں فیملی سائکلنگ۔رولر سپورٹس۔اور تحفظ ماحول کیلئے تقریبات ہونگی۔کمشنر لاہور نے کہا کہ محکمہ اطلاعات و ثقافت پنجاب کے زیر اہتمام لاہور اور پورے پنجاب میں آزادی تقریبات منعقدہورہی ہیں۔محکمہ سکول ایجوکیشن کے تحت بھی مقابلہ تقاریر۔مقابلہ ملی نغمہ جات اور سپورٹس ایونٹس کا انعقاد ہورہا ہے۔کمشنر لاہور کو آگا کیا گیا کہ محکمہ یوتھ افیئرزو سپورٹس پنجاب 11اگست تا 14اگست 6سپورٹس ایونٹ منعقد کررہا ہے۔ کمشنر لاہور نے کہا کہ سبز ہلالی پرچم ہمارا اور ہمارے اسلاف کا فخر ہے ہمیشہ سر بلند رہے.اجلاس میں ڈی سی لاہور رافعہ حیدر۔ایڈیشنل کمشنر عبدالسلام عارف سمیت تمام اے سیز اورتمام ڈی سی ز نےبذریعہ وڈیو لنک شرکت کی۔
