وزیر بلدیات خیبرپختونخوا مینا خان آفریدی نے شعبہ بازار کے مقام پر یکہ توت نہر کی تعمیرِ نو کے جاری ترقیاتی کام کا تفصیلی معائنہ کیا۔ اس موقع پر متعلقہ حکام نے منصوبے پر ہونے والی پیش رفت کے حوالے سے بریفنگ دی۔صوبائی وزیر نے کام کے معیار کا جائزہ لیتے ہوئے متعلقہ حکام کو ہدایت کی کہ منصوبے کو مقررہ مدت کے اندر مکمل کرنے کے لیے تعمیراتی کام میں مزید تیزی لائی جائے تاکہ عوام جلد از جلد اس اہم منصوبے سے مستفید ہو سکیں۔منصوبے کے تحت شعبہ بازار سے رنگ روڈ تک یکہ توت نہر کی ازسرِ نو تعمیر کی جائے گی۔ اس کے ساتھ نہر کے دونوں اطراف کشادہ سڑکیں، جدید اسٹریٹ لائٹس، کمیونٹی سینٹرز اور خوبصورت و جدید ریلنگ سسٹم بھی نصب کیا جائے گا، جس سے علاقے کی خوبصورتی، ٹریفک کی روانی اور شہریوں کو بہتر سہولیات کی فراہمی میں نمایاں بہتری آئے گی۔
وزیر بلدیات خیبرپختونخوا مینا خان آفریدی کا یکہ توت نہر کے تعمیرِ نو منصوبے کا دورہ
