*کمشنر لاہور نعمان یوسف کے شہر میں جاری ترقیاتی و بحالی پراجیکٹس کے دورے۔*

کمشنر لاہور نعمان یوسف نے لاہور شہر میں جاری ترقیاتی و بحالی پراجیکٹس کا دورہ کیا اور پیشرفت کا جائزہ لیا۔ کمشنر لاہور نے لکشمی چوک، داتا صاحب دربار، نیلاگنبد، ناصر باغ پارکنگ، انڈر گراؤنڈ واٹر ٹینک نسبت روڈ کا دورہ کیا۔ انہوں نے داتا صاحب دربار کے انڈرپاس، اندرونی گنبد، کنٹرول روم و تزئین و آرائش پراجیکٹ پیشرفت کا جائزہ لیا. کمشنر لاہور نے نیلا گنبد بحالی پراجیکٹ پر ٹیپا، ایل ڈی اے اور والڈ سٹی اتھارٹی ورکنگ کا جائزہ لیا۔ انہوں نے اولڈ سٹیٹ بنک، ایف سی کالج ایونگ ہال، نیلا گنبد پارکنگ اور دربار عبدالرزاق پر بحالی کاموں کا جائزہ لیا۔ کمشنر لاہور نے نعمان یوسف نے داتا دربار پر حاضری دی اور دعا کی۔اس موقع پر کمشنر لاہور نعمان یوسف نے متعلقہ محکموں کو ہدایات جاری کی۔ انہوں نے کہا کہ داتا صاحب دربار انڈرپاس کی زیر تعمیر سیڑھیوں کے گرد حفاظتی چادر لگائی جائے، شہریوں کی سیفٹی کیلئے زیرتعمیر پراجیکٹس میں عام داخلہ کو سو فیصد بند ہونا چاہئیے۔ کمشنر لاہور نے کہا کہ داتاصاحب پیڈسٹرین برج کی نگرانی کیمروں سے مرکزی کنٹرول پر بھی فیڈ کیا جائے۔ انہوں نے ہدایات دیتے ہوئے کہا کہ مون سون ہے زیر تعمیر پراجیکٹس و بحالی ورکنگ ایریاز میں نکاسی آب فوری ہونی چاہئے، ہر زیر تعمیر پراجیکٹس پر ورکرز کا سیفٹی ہیلمٹ اور گلوز پہنے ہونا چاہیے۔ کمشنر لاہور نے کہا کہ لاہور میں 18 انڈرگراونڈ ٹینکس جبکہ 16 سرفیس ریچارج ویلز فعال ہوچکے ہیں، نکاسی آپ ایمرجنسی کیمپس پر واسا، ایل ڈبلیو ایم سی اور ضلعی انتظامیہ کی ٹیمیں موجود ہونی چاہئیں۔