محکمہ اسکول ایجوکیشن گلگت بلتستان اور یونیورسٹی آف لاہور (UOL) کے درمیان گلگت بلتستان کے منتخب سرکاری اسکولوں میں تعلیمی معیار کو بہتر بنانے کے لیے ایک مفاہمت کی یادداشت (MoU) پر دستخط کیے گئے ہیں۔اس معاہدے کے تحت ‘یو او ایل ریلیف’ منتخب سیکنڈری اور ہائر سیکنڈری اسکولوں کی سرپرستی کرے گی، جہاں اپنے وسائل سے تدریسی و معاون عملے کی بھرتی، اساتذہ کی تربیت اور انتظامی و تعلیمی معاونت فراہم کی جائے گی۔دستخطی تقریب میں حکومتِ گلگت بلتستان کی نمائندگی سیکرٹری اسکول ایجوکیشن ڈیپارٹمنٹ ظفر وقار تاج نے کی، جبکہ سیکرٹری انفارمیشن ٹیکنالوجی ڈپارٹمنٹ ضمیر عباس نے بھی تقریب میں خصوصی شرکت کی۔
*حکومتِ گلگت بلتستان اور یونیورسٹی آف لاہور کے درمیان تعلیم کی بہتری کے لیے معاہدہ طے پا گیا*
