پشاور ریوائٹلائزیشن پلان کے تحت پشاور کے 34 پارکس کی اپگریڈیشن منصوبے کا افتتاح، شاہی باغ میں تقریب

وزیراعلیٰ خیبرپختونخوا محمد سہیل آفریدی نے منصوبے پر عملی کام کا باضابطہ آغاز کر دیا, 34 موجودہ پارکس کی اپگریڈیشن کا منصوبہ ایک ارب روپے کی لاگت سے مکمل کیا جائے گا.منصوبے میں شامل تمام 34 پارکس پر بیک وقت تعمیراتی و اپگریڈیشن کا کام شروع کر دیا گیا، ترقیاتی سرگرمیوں اور شہری سہولیات کی فراہمی کے لیے منصوبے کو پانچ مختلف پیکجز میں تقسیم کیا گیا ہے،تقریب میں صوبائی وزیر بلدیات و اعلی تعلیم مینا خان آفریدی، ممبران قومی و صوبائی اسمبلی شاہد خٹک، آصف خان، شاندانہ گلزار،سمیع اللہ خان، پارٹی قائدین اور کارکنان کی بڑی تعداد نے شرکت کی۔