کمشنر لاہورڈویژن نعمان یوسف علی الصبح مریدکے شیخوپورہ پہنچ گئے۔ کمشنر لاہور نے ہائی سکول مریدکے میں قائم ریلیف کیمپ کا دورہ کیا۔ کمشنر لاہورنے فلڈ ریلیف کیمپس میں متاثرین کیلئے امدادی سرگرمیوں کی نگرانی کی۔ انہوں نے فلڈ ریلیف کیمپ میں خوراک، ادویات، متاثرین کے قیام کیلئے انتظامات کا جائزہ لیا۔ کمشنر لاہور نے گزشتہ رات بھی مریدکے کا دورہ کیا تھا۔اس موقع پر گفتگو کرتے ہوئے کمشنر لاہور نعمان یوسف نے کہا ہے کہ متاثرہ علاقوں سے مقامی افراد اور انکے جانوروں کا محفوظ انخلاء کیا گیا ہے، باقاعدہ ریلیف کیمپ فعال کردیا گیا ہے، متاثرین کو سہولیات میں کوئی کمی نہیں ہوگی۔ انہوں نے کہا کہ وافر راشن و دیگر سامان کی فراہمی و ترسیل جاری ہے، مقامی افراد کی مدد کیلئے انتظامیہ متحرک ہے۔کمشنر لاہورڈویژن نعمان یوسف نے کہا ہے کہ وزیراعلی کی ہدایات کے مطابق بروقت ریسکیو و ریلیف میں کوئی کواتاہی نہیں، مقامی افراد کی بروقت مدد کیلئے انتظامیہ کو مکمل وسائیل فراہم کیے جارہے ہیں، ضلعی افسران ہر ریسکیو پوائنٹ پر خود موجود ہیں، ریلیف سرگرمیوں کی نگرانی کررہے ہیں، انسانی جان و مال اور مویشیوں کے تحفظ پر کوئی کمپرومائز نہیں۔
