حکومت پنجاب نے چھ اسسٹنٹ کمشنرز کے تقرروتبادلے کے احکامات جاری کر دیئے،اے سی فیروز والا اور ٹیکسلا کو او ایس ڈی بنا دیا گیا

حکومت پنجاب نے چھ اسسٹنٹ کمشنرز کے تقرر و تبادلے کے احکامات جاری کئے ہیں۔محکمہ سروسز اینڈ جنرل ایڈمنسٹریشن ڈیپارٹمنٹ کی جانب سے جاری نوٹیفکیشن کے مطابق محمد عدیل خان اسسٹنٹ کمشنر، فیروز والا کو او ایس ڈی بنا دیا گیا ہے۔ساحل رسول چیمہ اسسٹنٹ کمشنر چشتیاں کو فوری طور پر تبدیل کر کے اسسٹنٹ کمشنر فیروز والا تعینات کیا گیا ۔تقرری کے منتظر غلام مصطفی جٹ کو اسسٹنٹ کمشنر چشتیاں تعینات کیا گیا ہے۔ماریہ جاوید اسسٹنٹ کمشنر، ٹیکسلا کو تبدیل کر دیا گیا ہے اور انہیں مزید احکامات کے لیے ایڈمنسٹریشن ونگ، S&GAD کو رپورٹ کرنے کی ہدایت کی گئی ہے۔محمد انس سعید اسسٹنٹ کمشنر، لالیاں کو تبدیل کر کے اسسٹنٹ کمشنر، ٹیکسلا تعینات کیا گیا ہے۔ حبیبہ بلال سیکشن آفیسر (ویلفیئر-IV/رینٹ کنٹرولر)، ویلفیئر ونگ، S&GAD، کو فوری طور پر تبدیل کر کے اسسٹنٹ کمشنر لالیاں تعینات کیا گیا ہے۔