وزیر بلدیات خیبرپختونخوا مینا خان آفریدی نے پشاور ورسک گریویٹی کینال کی 24 کروڑ روپے کی ذیلی اسکیم کا افتتاح کردیا ہے۔وزیراعلیٰ خیبرپختونخوا سہیل آفریدی کی قیادت اور صوبائی وزیرِ بلدیات مینا خان آفریدی کی نگرانی میں پشاور کی بڑی نہروں میں گندے پانی کے نکاس کا مسئلہ مستقل بنیادوں پر حل کرنے کے لیے مختص 5 ارب روپے کے منصوبے کے تحت ورسک گریویٹی کینال کی 24 کروڑ روپے کی ذیلی اسکیم کا باقاعدہ افتتاح صوبائی وزیرِ بلدیات مینا خان آفریدی نے کردیا،افتتاحی تقریب میں سابق معاونِ خصوصی محمد عاصم خان، پارٹی رہنماؤں و کارکنان اور متعلقہ حکام نے شرکت کی۔اس ذیلی اسکیم کے تحت نہر کے دونوں اطراف موجود گھروں کے گندے پانی کے کنکشنز کو مناسب نکاسی آب کے نظام سے منسلک کیا جائے گا، جبکہ سڑکوں کی بحالی، نہر کے اطراف صفائی اور خوبصورتی و تزئین و آرائش کے کام بھی شامل ہیں۔منصوبے کی تکمیل سے نہر میں گندے پانی کے براہِ راست اخراج کی روک تھام، نکاسی آب کے نظام میں بہتری اور نہر کے اطراف کے علاقوں کو صاف، صحت مند اور خوبصورت ماحول فراہم کرنے میں مدد ملے گی۔
وزیر بلدیات خیبرپختونخوا مینا خان آفریدی نے پشاور ورسک گریویٹی کینال کی 24 کروڑ روپے کی ذیلی اسکیم کا افتتاح کردیا
