جشن آزادی کی تیاریوں میں ایل ڈی اے پیش پیش ہے اورڈی جی ایل ڈی اے طاہر فاروق کی ہدایت پر جشن آزادی پورے قومی جوش و جذبے سے منانے کے لیے ایل ڈی اے متحرک ہے۔ایل ڈی اے نے شہر کے مختلف مقامات کو سبز و سفید برقی قمقموں سے سجادیاہے۔ٹھوکر انٹری پوائنٹ،لاہور ریلوے اسٹیشن کے پارکنگ ایریا اور اطراف کو بھی سفید و سبز برقی قمقموں اور قومی پرچموں سے سجایاگیاہے۔جشن آزادی کے سلسلے میں ایل ڈی اے ہیڈکوارٹرز جوہر ٹاؤن،ایل ڈی اے ایونیو ون جوہرٹاؤن اور دیگر دفاترسمیت محمود قصوری روڈ، ظہور الٰہی گول چکر، اڈا پلاٹ اور ایل ڈی اے سٹی کو بھی سبز و سفید لائٹس سے سجایاگیاہے۔اس کے علاوہ ایل ڈی اے نے اپنے پارکنگ پلازوں اور دیگر اہم پوائنٹس پر بھی رنگا رنگ روشنیوں اور قومی پرچموں سے سجاوٹ کی ہے۔جشن آزادی کے سلسلے میں ڈی جی ایل ڈی اے طاہر فاروق نے ٹاؤن پلاننگ ونگ اور سی ایم پی ونگ کو بھی نجی سکیموں اور پرائیویٹ سیکٹر کی کمرشل املاک کو سجانے کی ہدایت کی ہے۔
یوم آزادی،ڈی جی ایل ڈی اے طاہر فاروق کی ہدایت پرشہرکے اہم مقامات اورشاہراہوں کوبرقی قمقموں اور پرچموں سے سجادیاگیا
