اس موقع پر شرکاء نےفوج کے بہادر شہداء اور غازیوں کی عظیم قربانیوں اور بے مثال خدمات کو خراجِ عقیدت پیش کیا ۔روڈا ہیڈ کوارٹر میں ہونیوالی خصوصی تقریب کے دوران اپنے پیغام میں چیئرمین شاہد اشرف تارڑ کا کہنا تھا کہ فوج کے بہادر جوانوں کی قربانیاں قوم کے لیے مشعلِ راہ ہیں ۔ انہوں نے کہا کہ شجاعت، ایثار اور حب الوطنی کے اسی جذبے کو اپناتے ہوئے روڈا کا ہر فرد راوی شہر کی تعمیر و ترقی میں اپنا بھرپور کردار ادا کرے گا۔یوم دفاع کی مناسبت سے عمران امین سی ای او نے شہداء اور غازیوں کو خراجِ عقیدت پیش کرتے ہوئے کہا کہ قومی ہیروز ہمارے لیے عزم، حوصلے اور استقامت کا سب سے بڑا ذریعہ ہیں۔جبکہ روڈا انتظامیہ اس دن کے حوالے سے سابقہ روایت کو برقرار رکھتے ہوئے خصوصی مونٹیج ڈاکیومنٹری "1965 بھی جاری کی جس کا افتتاح برگیڈیئر ریٹائرڈ منصور جنجوعہ سی او او نے کیا۔ڈاکیومنٹری میں 1965 کی جنگ کے عظیم جذبۂ شجاعت، قومی یکجہتی اور پاکستان کے بہادر محافظوں کی قربانیوں کو اجاگر کیا گیا ہے
راوی اربن ڈویلپمنٹ اتھارٹی کے مرکزی دفتر میں یومِ دفاعِ روایتی جوش و جذبے کیساتھ منایا گیا
