پاک چین دوستی و سفارتی تعلقات کے 75 سال مکمل ہونے پر لاہور ٹاؤن ہال میں پرچم کشائی کی پروقار تقریب کا انعقاد کیا گیا۔ کمشنر لاہور مریم خان اور ڈی سی لاہور کیپٹن علی اعجاز نے پرچم کشائی کی۔ پرچم کشائی کی تقریب کے موقع پر پاکستان اور چین کے قومی پرچم لہرائے گئے، پاکستان اور چین کے قومی ترانوں سے لاہور کی فضا گونج اٹھی۔ پاک چین سفارتی دوستی کی باوقار تقریب میں شہریوں کی بڑی تعداد نے شرکت کی اور انہوں نے پاک چین پرچم لہرا کر خوشی کا اظہار کیا۔اس موقع پر گفتگو کرتے ہوئے کمشنر لاہور مریم خان نے کہا ہے کہ پاک چین پچھتر سالہ رشتہ اعتماد اور باہمی احترام پر مبنی ہے، پاک چین دوستی ہمالیہ سے بلند اور سمندر سے گہری ہے۔ ڈی سی لاہور کیپٹن علی اعجاز کا کہنا ہے کہ سی پیک خطے کی تقدیر بدلنے کا ایک عظیم منصوبہ ہے، لاہور میں سی پیک سے جدید انفراسٹرکچر کی فراہمی جاری ہے۔
