لاہور میں مثالی صفائی انتظامات یقینی بنانے کا مشن:سی ای او ایل ڈبلیو ایم سی شہریار عارف خان کے مختلف علاقوں کے دورے

شہر لاہور میں مثالی صفائی انتظامات یقینی بنانےکے لیے ستھرا پنجاب ایجنسی لاہور کی جانب سے موثر اقدامات کا سلسلہ جاری ہے۔اس مقصد کے حصول کے لیے سی ای او ایل ڈبلیو ایم سی شہریار عارف خان مسلسل فیلڈ میں متحرک ہیں۔سی ای او ایل ڈبلیو ایم سی نےصبح سویرے مین ساندہ روڈ، مسلم پورہ کالونی،راج گڑھ، اورکھوکھر ٹاؤن میں صفائی ستھرائی کی صورتحال کا جائزہ لیا۔ اس موقع پر ڈپٹی سی او آپریشنز مبین احسن، ڈی جی ایم آپریشنز اور متعلقہ افسران بھی سی ای او کے ہمراہ فیلڈ میں موجود تھے۔سی ای او شہریار عارف خان نے ورکرز کی حاضری اور فیلڈ میں صفائی آپریشن کی چیکنگ کی۔کھوکھر ٹاؤن میں اوپن پلاٹس کی کلیئرنس،صفائی کی صورتحال اور مشینری کی فیلڈ میں کارکردگی کو مانیٹر کیا۔سی ای او ایل ڈبلیو ایم سی کا کہنا ہے کہ وزیر اعلیٰ پنجاب مریم نواز شریف کے ویژن ستھرا پنجاب کے تحت صفائی آپریشنز کو مزید مؤثر بنانے کے لیے فیلڈ سرگرمیوں کی مسلسل نگرانی جاری ہے۔ہر یونین کونسل میں سو فیصد ڈور ٹو ڈور ویسٹ کولیکشن کو یقینی بنایا جا رہا ہے۔شہریوں کو صفائی کی بہترین سہولیات کی فراہمی ہی ادارے کی اولین ترجیح ہے۔