پنجاب ہاؤسنگ اینڈ ٹاؤن پلاننگ ایجنسی (پھاٹا) کے مالی سال 2025-26 کا جامع آڈٹ کروانے کا فیصلہ کیا گیا ہے، جس کے لیے سیکرٹری ہاؤسنگ پنجاب نورالامین مینگل کی ہدایت پر خصوصی فیکٹ فائنڈنگ کمیٹی تشکیل دے دی گئی ہے۔کمیٹی پھاٹا کے مالی و انتظامی معاملات، اراضی کے استعمال، لینڈ یوز پلاننگ اور متعلقہ معاملات کی تفصیلی جانچ کرے گی۔ کمیٹی کو مبینہ بے ضابطگیوں، غیر مجاز تبدیلیوں اور ممکنہ مالی نقصانات سے متعلق امور کی کڑی جانچ کی ذمہ داری سونپی گئی ہے۔نوٹیفکیشن کے مطابق کمیٹی تمام ڈویژنل ہیڈ کوارٹرز میں قائم پھاٹا ڈائریکٹوریٹس کے معاملات کا بھی جائزہ لے گی، جبکہ لینڈ یوز پلاننگ اور زرعی اراضی کی کمرشل یا دیگر مقاصد کے لیے تبدیلی کے معاملات بھی جانچ کے دائرہ کار میں شامل ہوں گے۔کمیٹی اراضی کے استعمال میں تبدیلی سے متعلق فیس، ریکوری اور جرمانوں کے ریکارڈ کا بھی آڈٹ کرے گی، جبکہ متعلقہ قوانین، قواعد و ضوابط اور مقررہ طریقہ کار پر عملدرآمد کا جائزہ لیا جائے گا۔فیکٹ فائنڈنگ کمیٹی مالی و انتظامی معاملات میں شفافیت، میرٹ اور قواعد پر عملدرآمد کو یقینی بنانے کے لیے دستیاب ریکارڈ اور متعلقہ امور کی جانچ کرے گی اور آڈٹ و فیکٹ فائنڈنگ مکمل ہونے کے بعد اپنی سفارشات اور رپورٹ متعلقہ حکام کو پیش کرے گی۔کمیٹی کی سربراہی ایڈیشنل سیکرٹری محکمہ ہاؤسنگ خرم شہزاد کریں گے، جبکہ ڈائریکٹر اسٹیٹ مینجمنٹ و لیگل پھاٹا لاہور عامر رضا کمیٹی کے رکن ہوں گے۔ بورڈ آف ریونیو کا خصوصی نمائندہ، جو بی ایس-16 سے کم رینک کا نہ ہو، بھی کمیٹی کا رکن ہوگا۔سیکرٹری ہاؤسنگ پنجاب نورالامین مینگل نے کہا کہ وزیراعلیٰ پنجاب مریم نواز کی "کرپشن فری پنجاب پالیسی” کا اطلاق یقینی بنایا جائے گا۔ انہوں نے کہا کہ مالی و انتظامی معاملات میں شفافیت، میرٹ اور قواعد و ضوابط پر عملدرآمد پر کوئی سمجھوتہ نہیں کیا جائے گا۔
Read Next
2 دن ago
*ورلڈ بینک کے وفد کا اپنی چھت اپنا گھر پروگرام کے تحت ٹھوکر نیاز بیگ اور کاہنہ میں تعمیر شدہ مکانات کا دورہ،*
3 دن ago
واسا لاہور میں اسمارٹ واٹر میٹرنگ کے جدید نظام کا باقاعدہ آغاز
4 دن ago
*روڈا کی جانب سے دیہی علاقوں میں شرح خواندگی کے فروغ کے لیے 22 غیر رسمی سکولوں کا افتتاح*
5 دن ago
واسا لاہور کی واٹر ٹیسٹنگ لیبارٹری، بین الاقوامی ایکریڈیٹیشن کے تسلسل کی منظوری کیلئے اہم مرحلہ کامیابی سے مکمل
5 دن ago
Danish Delegation Visits WASA Lahore, Discusses Investment Opportunities in Mega Development Projects
Related Articles
*وزیر ہاؤسنگ بلال یاسین کی زیر صدارت بینک آف پنجاب میں بلاسود قرضوں کی فراہمی سے متعلق اہم اجلاس*
1 ہفتہ ago
روڈا نے ملک میں پہلی بار کوڑا ڈھیر سے میتھین گیس اخراج میں کمی کے حوالے سے عملی اقدام کا آغاز کر دیا
1 ہفتہ ago




