صوبائی وزیر ہاؤسنگ اینڈ اربن ڈویلپمنٹ پنجاب بلال یاسین نے سروسز ہسپتال لاہور کا دورہ کیا، جہاں انہوں نے زیرِ علاج ایم پی اے ملک خالد کھوکھر اور سینئر لیگی رہنما سہیل ضیاء بٹ کی عیادت کی اور ان کی خیریت دریافت کی۔ صوبائی وزیر نے دونوں رہنماؤں کی جلد صحت یابی کے لیے نیک تمناؤں کا اظہار کیا۔ اس موقع پر ایم پی اے غزالی سلیم بٹ بھی صوبائی وزیر بلال یاسین کے ہمراہ تھے۔ بلال یاسین نے ہسپتال انتظامیہ کو دونوں رہنماؤں کو بہترین طبی سہولیات کی فراہمی یقینی بنانے کی ہدایات بھی دیں۔صوبائی وزیر بلال یاسین نے کہا کہ پارٹی رہنما اور کارکنان ہمارا اثاثہ ہیں۔ ان کی صحت، فلاح و بہبود اور مشکل وقت میں ان کی دیکھ بھال ہماری ذمہ داری ہے۔ انہوں نے امید ظاہر کی کہ دونوں رہنما جلد صحت یاب ہو کر اپنی معمول کی سرگرمیاں دوبارہ شروع کریں گے۔
*وزیر ہاؤسنگ بلال یاسین کی سروسز ہسپتال آمد،ایم پی اے ملک خالد کھوکھر اور سینئر لیگی رہنما سہیل ضیاء بٹ کی عیادت*
