وزیر ہاؤسنگ اینڈ اربن ڈویلپمنٹ پنجاب بلال یاسین کی زیر صدارت بسنت فیسٹیول کی تیاریوں اور انتظامات بارے اہم اجلاس منعقد ہوا۔ ڈی جی پی ایچ اے احمد عثمان جاوید نے بسنت فیسٹیول کے انتظامات بارے تفصیلی بریفنگ دی۔ وزیر ہاؤسنگ بلال یاسین نے کہا کہ وزیراعلیٰ پنجاب کی ہدایت پر زندہ دلان لاہور کیلئے بسنت فیسٹیول کو ایک شاندار گرینڈ کلچرل میلے کے طور پر سجانے کی تیاریاں جاری ہیں۔ فیسٹیول میں پھول، پتنگیں، روشنیاں اور ثقافتی رنگ لاہور کی خوبصورتی میں چار چاند لگائیں گے۔ انہوں نے کہا کہ لاہور کی اہم شاہراہوں اور مرکزی مقامات کو مختلف کیٹیگریز میں تقسیم کرکے خصوصی بیوٹیفیکیشن پلان مرتب کیا جائے۔ شہر کی شاہراہوں، پارکس، گرین بیلٹس اور اہم مقامات پر خصوصی آرائشی اقدامات کیے جائیں گے۔ وزیر ہاؤسنگ نے ہدایت کی کہ لاہور کے داخلی و خارجی راستوں کو خیر مقدمی بینرز، رنگا رنگ آرائش اور خصوصی لائٹنگ سے سجایا جائے۔ شہر کے مختلف مقامات پر خصوصی فلوٹس اور ثقافتی جھلکیاں بھی پیش کی جائیں گی۔ بلال یاسین کا مزید کہنا تھا کہ تاریخی لاہور کی ثقافت اور روایتی رنگوں کو بسنت فیسٹیول کا نمایاں حصہ بنایا جائے گا۔ اندرون لاہور میں بسنت کے رنگوں سے سجا گرینڈ کلچرل میلہ منعقد کرنے کیلئے تجاویز طلب کرلی گئی ہیں۔انہوں نے کہا کہ فیسٹیول میں روایتی کھانوں اور لاہوری ذائقوں کے خصوصی کھابہ سٹالز لگائے جائیں گے جبکہ معروف موسیقار اور فنکار اپنی موسیقی سے شہریوں کو محظوظ کریں گے۔ وزیر ہاؤسنگ نے کہا کہ بسنت فیسٹیول کا مقصد لاہور کی ثقافتی رونقیں بحال کرتے ہوئے شہریوں کو صحت مند اور بھرپور تفریح فراہم کرنا ہے۔ پی ایچ اے شہر کو خوبصورت بنانے کیلئے بھرپور اقدامات یقینی بنائے گا۔
Read Next
3 دن ago
*ورلڈ بینک کے وفد کا اپنی چھت اپنا گھر پروگرام کے تحت ٹھوکر نیاز بیگ اور کاہنہ میں تعمیر شدہ مکانات کا دورہ،*
3 دن ago
واسا لاہور میں اسمارٹ واٹر میٹرنگ کے جدید نظام کا باقاعدہ آغاز
4 دن ago
*روڈا کی جانب سے دیہی علاقوں میں شرح خواندگی کے فروغ کے لیے 22 غیر رسمی سکولوں کا افتتاح*
5 دن ago
واسا لاہور کی واٹر ٹیسٹنگ لیبارٹری، بین الاقوامی ایکریڈیٹیشن کے تسلسل کی منظوری کیلئے اہم مرحلہ کامیابی سے مکمل
6 دن ago
Danish Delegation Visits WASA Lahore, Discusses Investment Opportunities in Mega Development Projects
Related Articles
*وزیر ہاؤسنگ بلال یاسین کی زیر صدارت بینک آف پنجاب میں بلاسود قرضوں کی فراہمی سے متعلق اہم اجلاس*
1 ہفتہ ago
روڈا نے ملک میں پہلی بار کوڑا ڈھیر سے میتھین گیس اخراج میں کمی کے حوالے سے عملی اقدام کا آغاز کر دیا
1 ہفتہ ago




