محکمہ انہار پنجاب کے چھ چیف انجینئرز کے تقرر و تبادلے کے احکامات جاری،نوٹیفکیشن

حکومت پنجاب نے محکمہ انہار کے چھ چیف انجینئرز کے تقرر و تبادلے کے احکامات جاری کئے ہیں۔محمد نواز باجوہ چیف انجینئر ایریگیشن ملتان زون کو محکمے کو رپورٹ کرنے کی ہدایت کی گئی ہے۔سرفراز خالد چیف انجینئر ایریگیشن (BS-20) D&F زون، لاہور کو بطور چیف انجینئر ایریگیشن (BS-20) ساہیوال زون تقرری کے احکامات جاری کئے گئے ہیں۔

محمد اکرم چیف فلڈ رسک اسیسمنٹ یونٹ، محکمہ آبپاشی کوچیف انجینئر ایریگیشن ریسرچ زون، لاہور کے عہدے کا اضافی چارج سونپا گیا ہے، رضا الرحمان عباسی چیف انجینئر ایریگیشن، ریسرچ زون، لاہور اس وقت طبی علاج کے لیےرخصت پر ہیں۔ خرم امین ایڈیشنل سیکرٹری (ٹیکنیکل) محکمہ آبپاشی کو چیف انجینئر ایریگیشن (BS-20) D&F زون، لاہور کے عہدے کا اضافی چارج سونپا گیا ہے۔ عبدالجبار (BS-19)، سپرنٹنڈنگ انجینئر، Q.B. لنک سرکل، فاروق آباد، کو چیف مانیٹرنگ پروگرام مانیٹرنگ اینڈ امپلیمنٹیشن یونٹ (PMIU)، ایریگیشن ڈیپارٹمنٹ، لاہور میں تعینات کیا گیا ہے۔محمد عظیم سپرنٹنڈنگ انجینئر، بھکر کینال سرکل، بھکر، کو چیف انجینئر ایریگیشن ملتان زون، ملتان تعینات کیا گیا ہے۔محکمہ سروسز کی طرف سے چیف سیکرٹری پنجاب کے احکامات پر تقرر و تبادلوں کا نوٹیفکیشن جاری کیا گیا ہے۔