بلدیہ عظمٰی کو لاہور ڈویلپمنٹ پروگرام کے لئے 59 ارب کی بجائے 20 ارب روپے کی گرانٹ ملے گی۔محکمہ منصوبہ بندی و ترقیات پنجاب نے واسا لاہور کے لئے بھی 15 ارب روپے کی منظوری دے دی ہے۔بلدیہ عظمٰی لاہور کو ترقیاتی منصوبوں جس میں سٹریٹ لائٹس بھی شامل ہیں 20 ارب روپے جاری کرنے کی منظوری دی گئی ہے۔میٹروپولیٹن کارپوریشن لاہور کی طرف سے سکیموں پر لاگت کا تخمینہ 59 ارب روپے لگایا گیا تھا۔پی اینڈ ڈی بورڈ کے لاہور ڈویلپمنٹ پروگرام کے حوالے سے دوسرے اجلاس میں فنڈز کے اجراء کی منظوری دی گئی ہے۔جس کے بعد اب محکمہ خزانہ ترقیاتی پیکج کے لئے گرانٹ ایم سی ایل اور واسا کو منتقل کرے گا۔
