ڈی سی لاہور سید موسیٰ رضا نے مختلف وارڈز اور شعبوں میں انتظامی امور کا جائزہ لیا اور ایک مریض کی عیادت کی اور جلد صحت یابی کے لئے نیک تمناؤں کا اظہار کیا. ڈی سی لاہور سید موسیٰ رضا نے مریضوں کو دی جانے والی سہولیات سے متعلق دریافت کیا اور انتظامات کو تسلی بخش قرار دیا. ڈی سی لاہور نے ڈاکٹرز و پیرا میڈیکل سٹاف کی پیشہ وارانہ مہارت کو سراہا. انہوں نے کہا کہ ڈاکٹرز اور ہسپتال عملہ اسی جذبے اور لگن کے ساتھ درست تشخیص اور مؤثر علاج یقینی بنائیں اور ڈاکٹرز کو مریضوں کے ساتھ حسنِ سلوک سے بھی پیش آنے کی ہدایت کی. ڈی سی لاہور نے کہا کہ مریضوں کے دکھ کو اپنا دکھ سمجھتے ہوئے ان کا علاج و معالجہ کیا جائے. ڈی سی لاہور نے کہا کہ ٹی ایچ کیو انتظامیہ ہسپتال میں مریضوں کے لئے تمام تر انتظامات کے تسلسل کو برقرار رکھے.
