وزیر ہاؤسنگ پنجاب بلال یاسین نے مسیحی برادری کو کرسمس کی مبارکباد دی اور انکے ہمراہ کیک کاٹا۔ اس موقع پر ملکی سلامتی کیلئے خصوصی دعا بھی کی گئی۔ صوبائی وزیر کا کہنا تھا کہ ملکی ترقی میں مسیحی برادری کا کردار نمایاں اور ناقابل فراموش ہے۔ پاکستان کے ہر شعبہ ہائے زندگی میں اقلیتوں کے حقوقِ کا تحفظ ہماری ذمہ داری ہے۔ پاکستان مسلم لیگ ن اقلیتوں کے حقوق کی حفاظت کی ضمانت ہے۔ تقریب کے اختتام پرمسیحی برادری نے صوبائی وزیر کا شکریہ بھی ادا کیا۔ بانی پاکستان کے یوم ولادت پر پیغام میں کہا کہ وزیر ہاؤسنگ بلال یاسین نے کہا کہ قائد کے افکار اور پیغام پر عملدرآمد کی تجدید کا دن ہے۔ اس دن اپنی زندگیوں کو ایمان ، اتحاد اور تنظیم کے درس کے مطابق ڈھالنے کا اعادہ کرنا ہے۔ برصغیر سے عالمی افق پر اپنی ایمانداری اور جہد مسلسل سے خطہ پاکستان آپکی کامیابی ہے۔قائد کے پاکستان کو عظیم بنانے کیلئے پائیدار سیاسی بصیرت ناگزیر ہوچکی ہے۔ بانی پاکستان کی پر امن انقلابی خدمات
کو خراج تحسین پیش کرتے ہیں۔پاکستان کے قیام کی تحریک میں بھی مسیحی برادری قائد اعظم کے ہمراہ برسرپیکار تھی۔
