وزیراعلٰی خیبر پختونخوا علی امین خان گنڈاپور کی زیر صدارت اہم اجلاس منعقد ہوا ۔ وزیراعلٰی کے شکایات پورٹل (اختیار عوام کا) پر عوامی شکایات کے ازالے کی صورتحال کا جائزہ لیا گیا ۔ متعلقہ حکام کی جانب سے وزیراعلٰی کو شکایات کے آزالے پر اب تک کی پیشرفت پر بریفنگ دی گئی۔ بریفنگ میں بتایا گیا کہ پورٹل پر اب تک 6,242 شکایات درج ہوچکی ہیں، ان شکایات میں سے 2,559 عوامی شکایات کا ازالہ کیا جاچکا ہے، 3,683 عوامی شکایات کے ازالے پر کام جاری ہے، اب تک 1,200 شہریوں کو پورٹل کے ذریعے ریلیف فراہم کیا گیا ہے۔757 شہریوں کو جزوی ریلیف فراہم کیا گیا ہے، عوامی شکایات پورٹل پر اب تک 13,384 شہری رجسٹرڈ ہوچکے ہیں، تقریبا 300 خواتین بھی اس پورٹل کا باقاعدگی سے استعمال کر رہی ہیں. پورٹل پر ضلع پشاور سے سب سے زیادہ شکایات درج ہوئی ہیں جن کی تعداد 1,458 ہے۔ ضلع مردان سے 405، بنوں سے 363، ڈیرہ اسماعیل خان سے 335 جبکہ ایبٹ آباد سے 344 شکایات موصول ہوئی ہیں، اسی طرح ضلع مانسہرہ سے 277، چارسدہ سے 237، ہری پور سے 235، صوابی سے 223 جبکہ لوئر دیر سے 185 شکایات درج ہوئی ہیں۔ پورٹل پر میونسپل سروسز سے متعلق 1,966 شکایات موصول ہوئی ہیں، تعلیم کے شعبے سے متعلق 1,040، عوامی ایجنڈے پر عملدرآمد سے متعلق 876، بدعنوانی سے متعلق 602 جبکہ امن و امان سے متعلق 539 شکایات موصول ہوئی ہیں، عوام اختیار کا پورٹل کے تحت عوامی شکایات کے ازالے کے لئے 3 سے 7 دن کا وقت مقرر ہے۔وزیراعلی کو گزشتہ حکومت کے خپل وزیر اعلی کمپلینٹ سیل کے تحت عوامی شکایات کے ازالے پر بھی بریفنگ۔
اس سال اب تک خپل وزیر اعلی کمپلینٹ سیل پر 1,165 شکایات موصول ہوئے ہیں، ان شکایات میں سے 1,047 شکایات کا ازالہ کیا گیا ہے باقی 118 کے ازالے پر کام جاری ہے۔عوام کی سہولت کے لئے خپل وزیر اعلی کمپلینٹ سیل کے تحت شکایات کو بھی عوام اختیار پورٹل پر منتقل کیا جائے، وزیراعلٰی کی ہدایت جاری کی۔وزیر اعلٰی علی امین گنڈاپور نے کہا کہ
عوامی شکایات چاہیے جس کسی بھی دور میں موصول ہوئے ہو ان کا ازالہ ہونا چاہیے، شہری سب ہمارے ہیں اور ان کی شکایات کا ازالہ حکومت کی ذمہ داری ہے، اس میں کوئی تفریق نہیں ہونی چاہیے۔
وزیراعلٰی کا بعض عوامی شکایات کے ازالے میں کوتاہی پر متعلقہ حکام کی سخت سرزنش
بعض شکایات کے ازالے کی صورتحال پر وزیراعلٰی نے عدم اطمینان کا اظہار کیا۔ ان شکایات کو وزیراعلٰی سیکرٹریٹ کی سطح پر دوبارہ کھولنے کا فیصلہ کیا گیا ۔
• عوامی شکایات کا ازالہ شکایات کنندگان کے لئے مکمل طور پر تسلی بخش ہونا چاہیے، شکایات کنندگان کو ٹرخانے کی کوشش کرنے والوں کے خلاف سخت کارروائی کی جائے گی، عوامی شکایات کا بروقت اور تسلی بخش ازالہ متعلقہ حکام کی ذمہ داری ہے اس میں کوئی کوتاہی یا تاخیر کسی صورت قابل قبول نہیں، علی امین خان گنڈاپور
• عوامی شکایات کے ازالے میں کوتاہی یا تاخیر کرنے والے حکام اب سزا کے لئے تیار ہوجائیں، اصلاح کے لئے بہت وقت دیا جس نے اپنی اصلاح نہیں کی وہ سزا کا مستحق ہے، وزیراعلی کی تنبیہ
• عوامی شکایات پورٹل کو مزید فعال اور موثر بنایا جائے گا، عوام سے اپیل ہے کہ وہ اس پورٹل کا زیادہ سے زیادہ استعمال کریں، عوامی شکایات کے ازالے کے کام کی خود نگرانی کر رہا ہوں، علی امین خان گنڈاپور
• شہریوں کے جائز شکایات کا ازالہ ہر صورت کیا جائے گا، پورٹل پر بیرون ملک مقیم شہریوں کے شکایات کے اندراج اور ان کے ازالے کا خصوصی اہتمام کیا جائے، وزیراعلی کی ہدایت
محکمہ اطلاعات عوامی شکایات پورٹل سے متعلق زیادہ زیادہ لوگوں کو آگہی دینے کے لئے سوشل میڈیا پر اگہی مہم چلائے، علی امین خان گنڈاپور
