کمشنر لاہور مریم خان کی زیر صدارت لاہور ایجوکیشن بورڈ آف ڈائریکٹرز کا اجلاس منعقد ہوا۔ اجلاس میں بورڈ آف انٹرمیڈیٹ اینڈ سیکنڈری ایجوکیشن لاہور بورڈ آف گورنرز کے تمام اراکین کی نے شرکت کی۔ لاہور بورڈ کے 537 ویں اجلاس میں گزشتہ فیصلوں کو توثیق، ڈیجیٹائزیشن اور نئے ایجنڈا آئٹمز کا جائزہ لیا گیا۔ اس موقع پر سیکرٹری لاہور بورڈ رضوان نذیر نے تمام ایجنڈا آئٹمز پر بریفنگ دی۔ کمشنر لاہور کی زیر صدارت اجلاس میں نجی اداروں کی افیلیشن کے پراسیس کو مکمل ڈیجیٹائز کرنے کی منظوری دی گئی، سٹوڈنٹس کی مینوئل رجسٹریشن کو پیپر لیس بنانے کیلئے ڈیجیٹائز کرنے کی منظوری دی گئی۔ کمشنر لاہور مریم خان نے بورڈ آف گورنرز کے تحت فنانس کمیٹی اور ایچ آر کمیٹیز کارکردگی و اہداف کا جائزہ لیا۔کمشنرلاہور مریم خان نے ہدایات دیتے ہوئے کہا کہ طلبا و طالبات کے بورڈ سے متعلقہ امور کو آسان، آن لائن اور مستند بنانے کیلئے آئی ٹی انٹروینشنز شروع کردیں، لاہور بورڈ میں ڈیجیٹائزیشن کے ذریعے شفافیت اور سروسز فراہمی کو تیز و آسان بنانے پر کام جاری ہے۔ انہوں نے کہا کہ فنانس کمیٹی تشکیل دیں اور ایجنڈا میں شامل فنانشیل امور پر مفصل رپورٹ مرتب کریں۔
