ضمنی الیکشن این اے 129 لاہور تھری کے لئے الیکشن کمشن آف پاکستان نے ایڈیشنل کمشنر ریونیو لاہور ڈویژن عثمان غنی کو ریٹرننگ آفیسر مقرر کر دیا

ضمنی الیکشن این اے 129 لاہور تھری کے لئے الیکشن کمشن آف پاکستان نے ایڈیشنل کمشنر ریونیو لاہور ڈویژن عثمان غنی کو ریٹرننگ آفیسر مقرر کردیا۔ ریٹرننگ آفیسر عثمان غنی نے 129۔NA ضمنی الیکشن کیلئے الیکشن کمشن آف پاکستان کے نوٹیفکیشن کے مطابق شیڈول جاری کردیا۔ آر او عثمان غنی نے کہا ہے کہ شیڈول کیمطابق این اے 129 ضمنی الیکشن کیلئے نومینیشن پیپرز 4اگست تا 6اگست 2025 آراو دفتر میں جمع ہونگے، انہوں نے کہا کہ نامزد امیدواروں کے نام 7اگست 2025 کو شائع کردئیے جائیں گے۔ آر او عثمان غنی نے کہا کہ کاغزات نامزدگی کی سکروٹنی کی آخری تاریخ 11اگست 2025 ہے، الیکشن کمشن آف پاکستان شیڈول کیمطابق آر او کے کاغزات کو مسترد/داخل کرنے کے فیصلے کے خلاف اپیل دائر کرنے کی آخری تاریخ 16اگست 2025 ہے جبکہ اپیلیٹ ٹریبونل کے اپیل پر فیصلہ کرنے کی آخری تاریخ 22اگست 2025 ہے۔ریٹرننگ آفیسر عثمان غنی نے کہا کہ حتمی امیدواروں کی ریوائزڈ فہرست 23اگست 2025 کو شائع ہوگی، 25اگست امیدواروں کے اپنے نام واپس لینے اور حتمی امیدواروں کی فہرست کی آخری تاریخ ہے، ضمنی الیکشن این اے 129 کیلئے حتمی امیدواروں کو 26اگست کو انتخابی نشان دئے جائیں گے۔ریٹرننگ آفیسر عثمان غنی نے مزید کہا کہ الیکشن کمیشن آف پاکستان کے شیڈول کے مطابق 18ستمبر 2025 کو ضمنی الیکشن NA-129 کیلئے پولنگ ہوگی، انہوں نے کہا کہ ضمنی الیکشن این اے 129 کیلئے کاغذات نامزدگی آر او آفس اولڈ کرکٹ ہاوس جیل روڈ، لاہور میں جمع ہونگے، آج سے امیدوار ضمنی الیکشن NA-129 کے لیے کاغزات نامزدگی 9بجے تا 4بجے آر او آفس سے حاصل کر سکتے ہیں۔