کمشنر لاہور نے کہا کہ کسی بھی میڈیا سے آنے والی صفائی شکایت کا ازالہ کرکے شکایت کنندہ کو فون کال کریں۔ انہوں نے کہا کہ جامع صفائی عمل کیلئے غیر قانونی ڈمپنگ سائٹس کا شہر سے خاتمہ ناگزیر ہے۔ کمشنر لاہور نے ہدایت کی کہ کوڑا اٹھانے والی ایل ڈبلیو ایم سی کی گاڑیوں کو اوپر سے مکمل کور کرائیں۔سی ای او بابر صاحب دین نے ایل ڈبلیو ایم سی صفائی آپریشن اور مانیٹرنگ میکنزم پر بریفنگ دی۔ کمشنر لاہور کو عارضی ڈمپنگ سائٹس سے مین ڈمپنگ سائٹس و شکایات ازالہ پر ڈیجیٹلی بریفنگ دی گئی۔ بریفنگ میں بتایا گیا کہ جدید ایپلیکیشن کے استعمال سے گزشتہ 5 ماہ میں 2ہزار سے زائد گھوسٹ ملازمین کو سروس سے فارغ کیا گیا۔کمشنر لاہور کو بریفنگ میں بتایا گیا کہ آرٹیفیشل انٹیلیجنس کے استعمال سے گاڑیوں کے روٹس آپٹیمائزیشن کرلی گئی ہے۔ 10 ہزار ورکرز کو سوشل سیکیورٹی کارڈ جاری ہیں1ہزار ورکرز کے بچوں کو کورسز کروانے کا آغاز کر دیا گیا ہے۔
