شہر لاہور کے حسن کو برقرار رکھنے کے لیے موثر صفائی اقدامات کا سلسلہ جاری ہے۔سی ای او ایل ڈبلیو ایم سی شہریار عارف خان کی ہدایت پر ستھرا پنجاب لاہور اینٹی لٹرنگ اسکواڈ دن اور رات کی شفٹ میں شہر بھر میں گشت پر مامور ہیں۔جبکہ شاہراؤں اور کمرشل مارکیٹس میں کوڑا پھینکنے والوں کےخلاف کاروائیوں کا آغاز بھی کر دیا گیا ہے۔ستھراپنجاب ایجنسی لاہور نے اینٹی لٹرنگ اسکواڈ کی گزشتہ ہفتے کی گئی کارروائیوں کی رپورٹ جاری کر دی ہے۔جس کے مطابق ستھرا پنجاب لاہور اینٹی لٹرنگ اسکواڈ نے گزشتہ 7 روز میں 11 ہزار 261 سے زائد ہاٹ سپاٹ ایریاز کی انسپکشن کی۔شہر بھر کی مارکیٹس میں صفائی قوانین کی خلاف ورزی پر 1094 سے زائد دکانداروں کو ای چالان وارننگ نوٹسز جاری کیے گئے۔جبکہ لاہور میں غیر قانونی ڈمپنگ کرنے والی 4 گاڑیاں ضبط کی گئیں۔2 استغاثہ بھی درج کروائے گئے۔غیر قانونی ڈمپنگ کرنے والی گاڑیوں کو 10 ہزار سے زائد کےجرمانے بھی عائد کیے گئے۔سی ای او ایل ڈبلیو ایم سی شہریار عارف خان کا اس حوالے سے کہنا ہے کہ شہر بھر کی کمرشل مارکیٹس میں اینٹی لٹرنگ اسکواڈ کی آگاہی مہم جاری ہے۔صفائی قوانین کی خلاف ورزی کرنے والوں کو باقاعدہ ای چالان سے قبل وارننگ نوٹسز دئیے جا رہے ہیں۔لاہور کو ویسٹ فری بنانے کے لیے شہری ستھرا پنجاب صفائی ٹیموں کا ساتھ دیں۔
