خیبرپختونخوا کے شہریوں کے لیے بڑی خوشخبری!نادرا ای سہولت مراکز کے ذریعے زمین کے فرد کے اجراء کی منظوری

خیبرپختونخوا کے شہریوں کے لیے بڑی خوشخبری!نادرا ای سہولت مراکز کے ذریعے زمین کے فرد کے اجرا کی اصولی منظوری دے دی گئی۔ وزیر اعلیٰ نے آئندہ ہفتے اس نئی سہولت کا افتتاح کرنے کی ہدایت کر دی۔ وزیر اعلیٰ خیبرپختونخوا محمد سہیل خان آفریدی کی زیرِ صدارت محکمہ مال میں اصلاحات سے متعلق اجلاس منعقد ہوا، جسمیں متعدد اہم فیصلے لیئے گئے۔اجلاس میں وزیراعلی کو بریفنگ دیتے ہوئے بتایا گیا کہ محکمہ مال کے سروس ڈیلیوری سنٹرز کے ساتھ اب نادرا ای سہولت مراکز سے بھی زمین کا فرد جاری کیا جائے گا۔فرد کی سرکاری فیس اور دیگر سروس چارجز کیش لیس طریقے سے ادا کیے جائیں گے۔نئی سہولت سے شہریوں کا وقت اور وسائل بچیں گے اور سرکاری دفاتر کے غیر ضروری چکروں سے نجات ملے گی۔وزیر اعلیٰ محمد سہیل خان آفریدی نے اس موقع پر کہا کہ "صوبائی حکومت عوام کو ان کی دہلیز پر سہولیات فراہم کرنے کے لیے عملی اقدامات کر رہی ہے۔ ہم عوام دوست طرزِ حکمرانی پر یقین رکھتے ہیں اور شہریوں کو آسان، شفاف اور بروقت سہولیات کی فراہمی ہماری ترجیح ہے۔”اجلاس میں لینڈ ایکوزیشن بل 2026 کے مسودے پر بھی بریفنگ دی گئی۔ وزیر اعلیٰ نے لینڈ ایکوزیشن کے عمل میں غیر ضروری تاخیر روکنے کے لیے نئے بل میں خصوصی شقیں شامل کرنے اور اسے جلد حتمی شکل دے کر منظوری کے لیے متعلقہ فورمز پر پیش کرنے کی ہدایت کی۔”لینڈ ایکوزیشن بل 2026 قائد عمران خان کے وژن کے عین مطابق ہے، جس میں عوامی مفاد کو سب سے مقدم رکھا گیا ہے۔ صوبائی حکومت عوامی مسائل کے عملی حل، شفاف نظام اور بہتر گورننس کے لیے اصلاحات کا عمل جاری رکھے گی۔”