وزیر ہاؤسنگ اینڈ اربن ڈویلپمنٹ بلال یاسین نے حلقہ پی پی 174 اندرون لاہور کا دورہ کیا، صوبائی وزیر نے کریم پارک میں زیر تعمیر زیر زمین واٹر ٹینک کی تعمیر کا جائزہ لیا، مختلف علاقوں کے مستحق افراد میں راشن کی تقسیم اور عوامی مسائل دریافت کیے،ان کا کہنا تھا وزیر اعلیٰ پنجاب مریم نواز کی طرف سے نگہبان پیکج سے بھی رقوم مل رہی ہیں، عوام کو مالی ریلیف کے ساتھ ساتھ سہولت سٹالز پر بھی ہر ممکن ریلیف دیا جارہا ہے، 10 ہزار روپے فی گھر مالی بوجھ میں کمی کا باعث بنے گا، وزیر ہاؤسنگ بلال یاسین نے گلی محلوں کے دوکانداروں سے ملاقات کی اور گراں فروشی کیخلاف مہم کا حصہ بننے کی درخواست کی، انہوں نے کہا کہ ماہ مبارک میں کم منافع کما کر رب تعالیٰ کی مزید برکتیں سمیٹی جائیں، حکومت ہر شعبے میں عوامی ریلیف کیلئے ہر ممکن اقدامات کر رہی ہے۔
