ڈائریکٹر جنرل ایل ڈی اے طاہر فاروق کی زیر صدارت پلاننگ اینڈ ڈیزائن کمیٹی کا اجلاس ہوا۔اجلاس میں پیش کردہ کیسز کا قوانین کے مطابق جائزہ لیا گیا۔اجلاس میں متعلقہ ڈائریکٹر ٹاؤن پلاننگ نے اپنے اپنے زون کے کیسز پیش کیے۔اجلاس میں تعلیمی ادارے، پٹرول پمپ، بحالی سنٹر، جم، انڈور سپورٹس و ہیلتھ فیسلیٹی سمیت دیگر کیسز کا جائزہ لیا گیا۔ ڈی جی ایل ڈی اے طاہر فاروق نے کہا کہ اجلاس میں کیسز پیش کرنے سے قبل متعلقہ اداروں کے این او سیز یقینی بنائے جائیں۔اجلاس میں منظور شدہ کیسز کے لینڈ یوز پر سختی سے عملدرآمد یقینی بنایا جائے۔ ڈی جی ایل ڈی اے طاہر فاروق نے ہدایت کی کہ ٹیپا پارکنگ قوانین کو مدنظر رکھتے ہوئے کیسز کا از سر نو جائزہ لے۔ ڈی جی ایل ڈی اے طاہر فاروق نے کہا کہ غیر قانونی کمرشلایزیشن اور لینڈ یوز کی خلاف ورزی پر بلا امتیاز کارروائیاں کی جائیں۔قوانین پر سختی سے عملدرامد کرانے کے لیے لینڈ یوز قوانین میں بہتری لائیں گے۔ ڈی جی ایل ڈی اے طاہر فاروق نے کہا کہ کاروباری افراد کی سہولت کے ساتھ ساتھ قوانین پر عملداری انتہائی ضروری ہے۔
اجلاس میں چیف میٹرو پولیٹن پلاننگ، چیف ٹاؤن پلانر ون، چیف ٹاؤن پلانر ٹو ، ٹیپا، واسا، ضلعی انتظامیہ اور ٹاؤن پلاننگ ونگ کے ڈائریکٹرز نے شرکت کی۔
