اعزازی کونسل جنرل یاسین جوائیہ کو ڈرگ ایڈوائزری ٹرینیگ حب کا چیف پیٹرن منتخب کر لیا گیا

معاشرے اور نوجوان نسل میں منشیات کے بڑھتے ہوئے رجحان کے خلاف ڈرگ ایڈوائزری ٹریننگ حب کے زیر اہتمام بریفنگ کا اہتمام کیا گیا ۔ سری لنکا کے اعزازی کونسل جنرل یاسین جوائیہ نے صدرات کی کنسلٹنٹ انسدادِ منشیات مہم سید ذوالفقار حسین لاہور شہر میں منشیات کے خلاف جاری مہم، مستقبل کی منصوبہ بندی، اداروں کے مابین نیٹ ورکنگ سمیت دیگر امور پر بریفنگ دی اس موقع پر وائس چئیرمین سید محسن نے تعلیمی اداروں میں منشیات کے تدارک کے حوالے سے اقدامات پر شرکاء کو آگاہ کیا اس موقع پر اعزازی کونسل جنرل یاسین جوائیہ کو ڈرگ ایڈوائزری ٹرینیگ حب کا چیف پیٹرن منتخب کر لیا گیا۔ اعزازی کونسل جنرل یاسین جوائیہ نے کہا کہ نوجوان نسل پاکستان کا قیمتی اثاثہ ہیں، منشیات جسی لعنت کی طرف راغب ہونا افسوس ناک ہے نوجوان نسل کو منشیات سے بچانے کے لیے بھرپور کام کریں گے ڈرگ ایڈوائزری ٹریننگ حب کا چیف پیٹرن بننا میرے لیے کسی اعزاز سے کم نہیں اس موقع پر سید ذوالفقار حسین کنسلٹنٹ انسداد منشیات مہم نے کہا کہ منشیات کے خلاف کام کرنا آسان نہیں بلکہ مشکل مرحلہ ہے،منشیات کے تدارک کے لیے مختلف شعبوں سے وابستہ افراد پر مشتمل ایک کور ٹیم بنا رہے ہیں، جن کی سفارشات کی روشنی میں حکمت عملی تیار کی جائے گی۔ تقریب میں ایس پی ٹریفک سید ظفر عباس نقوی، سیکرٹری جنرل عدیل راشد، ماہر تعلیم ڈاکٹر عامر محمود، بشریٰ ندیم، ماہر قانون فواد مغل، نثار حسین نے شرکت کی۔