*ایل ڈی اے /سبزہ زار، گجرپورہ اور ایل ڈی اے سٹی میں واقع کمرشل ورہائشی پلاٹوں کی قرعہ اندازی*

ڈی جی ایل ڈی اے طاہر فاروق کی ہدایت پر ایل ڈی اے کاشہریوں کو آسان اقساط پر پلاٹوں کی فراہمی کا سلسلہ جاری ہے۔ سبزہ زار، گجرپورہ اور ایل ڈی اے سٹی میں واقع کمرشل ورہائشی پلاٹوں کی قرعہ اندازی کی گئی۔کمپیوٹرائزڈقرعہ اندازی کاانعقاد پی آئی ٹی بی کے تعاون سے ایل ڈی اے سپورٹس کمپلیکس جوہرٹاون میں کیاگیا۔قرعہ اندازی میں ایل ڈی اے سٹی کے ایک کنال (رہائشی پلاٹس)، سبزہ زارکے1.34مرلے، گجرپورہ کے 5مرلے 2.5اور3مرلے کے کمرشل پلاٹس رکھے گئے۔ قرعہ اندازی میں 774کامیاب درخواست گزاروں نے شمولیت کی۔ایل ڈی اے سٹی کے لیے200، سبزہ زار 1.34 مرلہ کے لیے399 گجرپورہ 5مرلے کے لیے84اور2.5,3مرلے کے لئے91 درخواستیں موصول ہوئیں

۔تقریب میں 18مارچ کو ہونے والی قرعہ اندازی کے کامیاب امیدواروں کو پلاٹ نمبربھی الاٹ کیے گئے۔ ایل ڈی اے نے 18مارچ کو جوہر ٹاؤن، جوبلی ٹاؤن اور مصطفی ٹاؤن کے رہائشی و کمرشل پلاٹوں کی قرعہ اندازی کی تھی۔پی آئی ٹی بی نے سوڈو کوڈ کے ذریعے مکمل ٹرانسپیرنٹ طریقے سے قرعہ اندازی کی گئی۔ڈی جی ایل ڈی اے طاہر فاروق نے کہا کہ قرعہ اندازی میں جن خوش نصیبوں کے پلاٹ نکلے ہیں، وہ مبارکباد کے مستحق ہیں۔ ایل ڈی اے شہریوں کو اپنی سکیموں میں واقع پلاٹ تین سال کی آسان اقساط میں دے رہا ہے۔ قرعہ اندازی میں کامیاب شہری تین سال کی 12 مساوی اقساط پر ادائیگی کریں گے۔ایل ڈی اے آسان اقساط پر مزید پلاٹس جلد مارکیٹ میں لائے گا۔ قرعہ اندازی میں شہریوں کی بڑی تعداد نے شرکت کی۔قرعہ اندازی میں کامیاب ہونے والے شہری ایل ڈی اے ویب سائٹ lda.gop.pkپر اپنانام چیک کرسکتے ہیں۔قرعہ اندازی کی تقریب میں چیف ٹاؤن پلانر ٹو، چیف آئی ٹی آفیسر، ڈائریکٹر آکشن، ڈائریکٹر فنانس، ڈائریکٹر ریونیو ڈائریکٹرز ہاؤسنگ اور دیگر افسران نے شرکت کی۔