ڈی جی ایل ڈی اے طاہر فاروق نے رائیونڈ روڈ اور جان محمد روڈ کا دورہ کیا۔چیف انجینئر ٹیپا اقرار حسین بھی ان کے ہمراہ تھے
۔ڈی جی ایل ڈی اے طاہر فاروق نے جان محمد روڈ پر ترقیاتی کاموں کی سست روی پر ناراضگی کا اظہار کرتے ہوئے پراجیکٹ ڈائریکٹر اور کنٹریکٹر کو کام کی سپیڈ تیز کرنے کی ہدایت کی۔ڈی جی ایل ڈی اے نے جان محمد روڈ کے چوک کی جیومیٹری ٹیپا کی مدد سے بہتر بنانے کی ہدایت کی۔ڈی جی ایل ڈی اے نے ٹھوکر تا اڈا پلاٹ، رائیونڈ روڈ کے مختلف پوائنٹس پر مرمت و بحالی کے کاموں کا جائزہ لیا۔چیف انجینئر ٹیپا نے بریفننگ دیتے ہوئے بتایا کہ رائیونڈ روڈ سے تجاوزات ختم، بورڈز، شیڈز تھڑے ختم کرکے سڑک کو ٹریفک کے لیے بہتر بنایا گیا ہے۔ڈی جی ایل ڈی اے نے رائیونڈ روڈ کے مختلف پوائنٹس پر سگنلز کی اپ گریڈیشن کا بھی جائزہ لیا۔ پراجیکٹ ڈائریکٹر نے بریفننگ دی۔رائیونڈ روڈ پر چار اہم چوک پر سگنلز کی آپ گریڈیشن کا کام جاری یے۔قزلباش جوک، شیر شاہ کالونی، بھبتیاں چوک اور ایل ڈی اے ایونیو ون چوک پر سگنلز کو اپ گریڈ کیا جا رہا ہے۔سگنلز کی اپ گریڈیشن کا کام آخری مراحل میں ہے، جلد مکمل کر لیا جائے گا۔ڈی جی ایل ڈی اے نے سگلنز کی اپ گریڈیشن کا کام جلد مکمل کرنے کی ہدایت کی۔
