ڈی جی ایل ڈی اے طاہر فاروق نے ٹریفک انجینئرنگ اینڈ ٹرانسپورٹ پلاننگ ایجنسی (ٹیپا) کا دورہ کیا۔چیف انجینئر ٹیپا اقرار حسین نے جاری منصوبوں اور ریفارمز بارے بریفنگ دی۔
ڈی جی ایل ڈی اے طاہر فاروق نے اہم اجلاس کی صدارت کی۔اجلاس میں رائیونڈ روڈ پر سگلنز کی اپ گریڈیشن کے کاموں بارے بھی بریفنگ دی گئی۔رائیونڈ روڈ پر چار اہم چوک پر سگنلز کی اپ گریڈیشن کا کام جاری ہے۔قزلباش چوک، شیر شاہ کالونی، بھبتیاں چوک اور ایل ڈی اے ایونیو ون چوک پر سگنلز کو اپ گریڈ کیا جا رہا ہے۔ ڈی جی ایل ڈی اے طاہر فاروق نے سگلنز کی اپ گریڈیشن کا کام تیز کرنے کی ہدایت کی۔ڈی جی ایل ڈی اے نے ٹیپا میں ڈیجیٹل ریفارمز تیز کرنے کی ہدایت کی۔ڈی جی ایل ڈی اے نے ٹیپا کو اپنی رپورٹ اور این او سیز کو ڈیجیٹل کرنے اور ایل ڈی اے کے ساتھ انٹیگریٹ کرنے کی ہدایت کی۔ڈی جی ایل ڈی اے طاہر فاروق نے کہا کہ ٹیپا، ایل ڈی اے کے ساتھ مل کر ڈیجیٹل میکانزم آئندہ چند روز میں بنائے۔شہریوں کو این او سیز اور دیگر رپورٹ کے لیے ٹیپا دفتر کے چکر نہ لگانا پڑیں۔اس موقع پر ڈائریکٹر ٹریفک انجینئرنگ محمد وقار اسلم، ڈائریکٹر انفورسمنٹ فرقان ظہیر اور دیگر افسران موجود تھے۔
