سیکرٹری ہاؤسنگ نور الامین مینگل نے کہا ہے کہ مون سون سے قبل لاہور میں نئی کھدائی نہیں ہو گی۔جاری منصوبوں کے کھدائی والے حصے مون سون سے قبل مکمل ہوں گے۔قیمتی بارشی پانی کو سٹور کرنے کے لیے انڈرگراؤنڈ واٹر ٹینک بھی جلد فعال ہوں گے۔وزیر اعلیٰ پنجاب کی ہدایات پر مون سون کی تیاریاں مزید تیز کر دی گئی ہیں۔سیکرٹری ہاؤسنگ نور الامین مینگل نےشہر کے مختلف علاقوں کا دورہ کیا۔سیکرٹری ہاؤسنگ نےسگیاں پر لاہور ڈویلپمنٹ پروگرام کے جاری ترقیاتی کاموں کا جائزہ لیا۔شاہدرہ ٹیوٹا کالج کے نزدیک گلیوں اور پنجاب اسمبلی میں زیر تعمیر واٹر ٹینک کا بھی دورہ کیا۔ڈی جی واسا پنجاب طیب فرید، ڈی جی ایل ڈی اے، ڈپٹی کمشنر لاہور سید موسٰی رضا اور ایم ڈی واسا غفران احمد نے بریفنگ دی۔سیکرٹری ہاؤسنگ کا تعمیراتی سائٹس پر آگاہی بورڈز اور حفاظتی اقدامات نہ ہونے پر اظہار برہمی کیا۔
*تعمیراتی سائٹس پر آگاہی بورڈ، حفاظتی اقدامات اور وارننگ سائن نمایاں آویزاں کرنے کا حکم*
سیکرٹری ہاوسنگ نور الامین مینگل نے کہا کہ ترقیاتی کاموں کے ساتھ انسانی جانوں کی حفاظت اولین ترجیح ہونی چاہیے۔مون سون سے قبل نئی کھدائی ہرگز نہ کی جائے۔پہلے سے جاری منصوبوں کے کھدائی والے حصے جلد مکمل کیے جائیں۔انڈر گراونڈ واٹر ٹینک مکمل ہونے سے قیمتی بارشی پانی کا بہترین استعمال ممکن ہو گا۔
