کمشنر لاہور زید بن مقصود کے لاہور کی مرکزی امام بارگاہوں کے دورے جاری ہیں۔ اس حوالے سے کمشنر لاہور نے امام بارگاہ جوہر ٹاون منہاج الحسین اور مرکزی امام بارگاہ ماڈل ٹاون کا دورہ کیا اور منتظمین سے ملاقات کی۔ کمشنر لاہور نے امام بارگاہوں کے لائسنس ہولڈرز سے ملاقات کی۔ مرکزی امام بارگاہوں کے منتظمین و لائسنس ہولڈرز نے انتظامات پر اطمینان کا اظہار کیا ہے۔
اس موقع پر اے سی ماڈل ٹاون و اے سی اقبال ٹاون نے محرم الحرام انتظامات بارے بریفنگ دیتے ہوئے کہا ہے کہ مرکزی مانیٹرنگ، ریسکیو، میڈیکل کور، لائٹنگ، عارضی پبلک ٹوائیلٹس، اور نکاسی آب انتظامات پلاننگ مکمل ہیں۔کمشنر لاہور زید بن مقصود نے جامعہ منہاج حسین میں فقہ جعفریہ مرکزی راہنما علامہ ڈاکٹر محمد حسین اکبر سے بھی ملاقات کی۔ مرکزی امام بارگاہوں کے دورے کے موقع پر کمشنر لاہور نے کہا ہے کہ وزیراعلی پنجاب کی خصوصی ہدایات ہیں کہ محرم انتظامات احسن ترین انداز میں مکمل ہونے چاہئییں، ۔حکومتی ہدایات اور ایس او پی ز کیمطابق تمام انتظامات کو یقینی بنایا گیا ہے اور روزانہ کی بنیاد پر جائزہ لیا جارہا ہے۔ کمشنر لاہور نے کہا کہ مرکزی امام بارگاہوں سے شروع ہونے والے جلوسوں کے روٹس کی تمام ضروریات کو یقینی بنایا جارہا ہے، انتظامیہ کا منتظمین و لائسنس ہولڈرز سے مکمل رابطہ ہے، محرم جلوس میں اوقات کی پابندی پر عملدرآمد یقینی بنائیں۔
