بلدیہ عظمٰی لاہور کو ایل ڈبلیو ایم سی کی طرف سے رواں مالی سال بھی سینی ٹیشن فیس منتقل نہیں کی گئی ہے۔میٹروپولیٹن کارپوریشن لاہور کو اس مد میں ساڑھے چار کروڑ روپے کا ہدف تھا۔جس میں ایک روپے بھی ادا نہیں کیا گیا۔گذشتہ مالی سال بھی ایل ڈبلیو ایم سی نے ایم سی ایل کو سینی ٹیشن فیس ادا نہیں کی تھی جو بلدیہ عظمٰی کا شیئر ہے۔اس طرح صرف دو سالوں میں ایل ڈبلیو ایم سی کی طرف سے میٹروپولیٹن کارپوریشن لاہور کو سینی ٹیشن فیس کی مد میں 9 کروڑ روپے کا نقصان پہنچایا گیا ہے۔ایم سی ایل کی مسلسل دوسرے سال اس مد میں آمدن زیرو ہے۔صفائی کے امور سرانجام دیتے ہوئے ایل ڈبلیو ایم سی نے ایم سی ایل کا خزانے کا بھی صفایا کر دیا ہے۔واضع رہے کہ اس سال ایل ڈی ڈبلیو ایم سی کو حکومت پنجاب کی طرف سے ریکارڈ بجٹ ملا ہے۔
