وزیر اعلٰی پنجاب کی خصوصی ہدایت پر ڈویژنل و ضلعی انتظامیہ کے مرکزی امام بارگاہوں کے دورے اور منتظمین سے ملاقات کا سلسلہ جاری ہے۔ کمشنر لاہور زید بن مقصود نے ڈی سی لاہور سید موسٰی رضا کے ہمراہ امام بارگاہ طفیل شاہ دھرم پورہ کا دورہ کیا۔
اس موقع پر اے سی کینٹ نے امام بارگاہ انتظامات بارے بریفنگ دیتے ہوئے کہا ہے کہ مانیٹرنگ، ریسکیو، میڈیکل کور، لائٹنگ، اور نکاسی آب انتظامات مکمل ہیں، انتظامیہ امام بارگاہوں کے منتظمین سے مکمل رابطہ میں ہیں۔ کمشنر لاہور زید بن مقصود نے امام بارگاہ طفیل شاہ کے منتظمین و لائسنس ہولڈرز سے ملاقات کی۔ امام بارگاہ کے منتظمین نے محرم الحرام کے حوالے سے ضلع انتظامیہ کی جانب سے کیے گئے انتظامات پر اطمینان کا اظہار کیا۔کمشنر لاہور نے کہا ہے کہ وزیراعلٰی پنجاب کی محرم انتظامات کو ہر پہلو سے یقینی بنانے کی ہدایات کے مطابق کوئی کمی نہ رہے، انہوں نے کہا کہ حکومتی ہدایات اور ایس اوپی ز کیمطابق تمام انتظامات کو یقینی بنایا گیا ہے اور روزانہ کی بنیاد پر جائزہ بھی لیا جارہا ہے۔ کمشنر لاہور نے مزید کہا کہ مرکزی امام بارگاہوں و جلوسوں کے روٹس کی تمام ضروریات کو یقینی بنایا جارہا ہے، انتظامیہ کا منتظمین و لائسنس ہولڈرز سے مکمل رابطہ ہے محرم جلوس میں اوقات کی پابندی پر عملدرآمد یقینی بنائیں۔
