پشاور(بلدیات ٹائمز)ہم حکام بالا سے اپیل کرتے ہیں کہ عیدالاضحی کے موقع پر بلدیاتی اداروں بشمول واسا ملازمین کا اعلیٰ کارکردگی پر خصوصی انعامات و اعزازات کا اعلان کیا جائے تا کہ بلدیاتی اداروں کے عملہ صفائی جنہوں نے اپنی عیدالاضحی کی خوشیاں قربان کر کے دھوپ اور سخت گرمی کے باوجود عوام کو بہترین خدمات سے نوازا ھے کی حوصلہ افزائی اور دلجوئی ھو سکے۔ لوکل گورنمنٹ ایمپلائز فیڈریشن خیبرپختونخوا کے سرپرست اعلیٰ شوکت کیانی، صدر حاجی انور کمال خان مروت، چیئرمین محبوب اللہ ، جنرل سیکریٹری سلیمان خان ھوتی نے صوبائی حکومت ، وزیر اعلیٰ خیبرپختونخوا علی امین گنڈاپور ، وزیر بلدیات و دیہی ترقی خیبرپختونخوا اور محکمہ بلدیات و دیہی ترقی خیبرپختونخوا کے اعلیٰ حکام سے پرزور مطالبہ کرتے ھیں کہ فوری طور پر عیدالاضحی کے موقع پر اعلیٰ کارکردگی کا مظاہرہ کرنے والے بلدیاتی اداروں کے ملازمین کے لئے ایک تنخواہ بطور اعزازیہ کا اعلان کیا جائے تا کہ بلدیاتی اداروں کے غریب عملہ صفائی کی دلجوئی ھو سکے۔
