کراچی میں سندھ فوڈ اتھارٹی نے دودھ اور چائے کی پتی میں ملاوٹ کی شکایات پر نمونے جمع کرنے کا عمل شروع کر دیا ہے۔ کمشنر کراچی سید حسن نقوی کی زیر صدارت اجلاس میں بریفنگ دی گئی کہ 13 سے 19 جولائی کے دوران 131 گراں فروشوں کے خلاف کارروائی کی گئی اور مجموعی طور پر 11 لاکھ روپے سے زائد جرمانہ عائد کیا گیا۔ اسسٹنٹ کمشنرز نے 1514 مقامات پر قیمتیں چیک کیں۔ اس کے علاوہ اجلاس میں آلو اور پیاز کے آکشن نظام پر بھی عدم اطمینان کا اظہار کرتے ہوئے سبزی و پھل کی قیمتوں کے تعین کے نظام کو بہتر بنانے پر زور دیا گیا۔
