*خیبر پختونخواحکومت نے متاثرین کے معاوضوں میں نمایاں اضافہ کا نوٹیفیکیشن جاری کر دیا*

خیبر پختونخوا کی تاریخ کے بدترین سیلاب سے صوبے کے بالائی علاقوں میں شدید جانی و مالی نقصان ہوا۔ وزیراعلیٰ خیبر پختونخوا علی امین گنڈاپور کی قیادت میں پہلی بار متاثرین کے معاوضوں میں نمایاں اضافہ کیا گیا ہے تاکہ زیادہ سے زیادہ ریلیف فراہم کرکے ان کے زخموں پر مرہم رکھا جا سکے۔جاں بحق افراد کا معاوضہ 10 لاکھ سے بڑھا کر 20 لاکھ روپے، زخمیوں کا معاوضہ 50 ہزار سے بڑھا کر 5 لاکھ روپے، مکمل تباہ شدہ گھروں کا معاوضہ 4 لاکھ سے بڑھا کر 10 لاکھ روپے، جزوی طور پر تباہ شدہ گھروں کا معاوضہ 1 لاکھ سے بڑھا کر 3 لاکھ روپے، تباہ شدہ دکانوں کے لیے، جن کا پہلے کوئی معاوضہ مقرر نہیں تھا، 5 لاکھ روپے، خوراک کی فراہمی کے لیے پہلی مرتبہ فی کس 15 ہزار روپے کا معاوضہ دیا جا رہا ہے۔اس حکومت خیبر پختونخوا نے باقاعدہ نوٹیفیکشن جاری کر دیا ہے۔