*وزیراعلیٰ خیبرپختونخوا محمد سہیل آفریدی کی زیر صدارت پشاور کے جنوبی حصے کیلئے آؤٹر رنگ روڈ منصوبے پر اجلاس*

وزیراعلیٰ خیبرپختونخوا محمد سہیل آفریدی کی زیر صدارت پشاور کے جنوبی حصے کے لیے آؤٹر رنگ روڈ منصوبے پر اجلاس منعقد ہوا۔ پشاور کے جنوبی حصے کے لیے دوسری رنگ روڈ تقریباً 31 کلومیٹر طویل ہوگی۔ نئی رنگ روڈ پشاور کے جنوبی حصے کو کور کرے گی اور شہر میں بڑھتے ہوئے ٹریفک کے دباؤ کو کم کرنے میں مدد دے گی۔منصوبہ ٹریفک کے مسائل کم کرنے کے ساتھ ساتھ تجارتی اور معاشی سرگرمیوں کو بھی فروغ دے گا۔منصوبے کو تقریباً تین سال میں مکمل کرنے کی تجویز زیر غور ہے۔ آؤٹر رنگ روڈ منصوبے کی ابتدائی تخمینہ لاگت تقریباً 50 سے 60 ارب روپے متوقع ہے۔ وزیراعلیٰ نے عوام کی سہولت کے لیے منصوبے میں موزوں انٹرچینجز شامل کرنے کی ہدایت جاری کی۔منصوبے کی منصوبہ بندی مستقبل کی ضروریات اور شہری ترقی کو مدنظر رکھ کر کرنے کی ہدایت دی گئی۔ این ایچ اے سے رابطہ کر کے پشاور بس ٹرمینل پر انٹرچینج کے حصول کے لیے اقدامات کرنے کی ہدایت بھی کی گئی۔ اجلاس میں بتایا گیا کہ ٹرمینل انٹرچینج کے ذریعے ٹریفک کو شہر میں داخل ہوئے بغیر براہ راست گزرنے کی سہولت میسر آئے گی۔وزیر اعلٰی خیبرپختونخوا محمد سہیل آفریدی کی طرف سےنئی رنگ روڈ پر بی آر ٹی ٹریک شامل کرنے کے امکان کا بھی جائزہ لینے کی ہدایت کی گئی۔