*پنجاب میں بین الاضلاعی آٹا و گندم ترسیل پر کوئی پابندی نہیں، ڈاکٹر احسان بھٹہ*

وزیر اعلیٰ پنجاب کی ہدایت پر صوبہ بھر میں گراں فروشوں اور ناجائز ذخیرہ اندوزوں کیخلاف کریک ڈاؤن کا آغاز کر دیا گیا ہے، سیکرٹری پرائس کنٹرول ڈاکٹر احسان بھٹہ کی زیر صدارت تمام اضلاع کے ڈپٹی کمشنرز کا ویڈیو لنک اجلاس ہوا،ڈی جی پیرا کیپٹن (ر) فرخ عتیق نے مجوزہ قوانین جبکہ ڈی جی فوڈ نوید شہزاد مرزا نے روٹی اور آٹے کے نرخوں اور کارروائیوں بارے آگاہ کیا، اس موقع پر سیکرٹری پرائس کنٹرول کا کہنا تھا کہ کسانوں سے سستے داموں گندم خرید کر غیر قانونی ذخیرہ کرنیوالے عناصر کی نشاندہی کی جائے گی، پنجاب میں بین الاضلاعی آٹا و گندم ترسیل پر کوئی پابندی نہیں، ناجائز ذخیرہ اندوزی پر قابو پانے کیلئے بین الصوبائی ترسیل کیلئے فوڈ ڈائریکٹوریٹ کا پرمٹ لازم ہوگا، متعدد اضلاع میں سیلابی صورتحال کا سامنا ہے، گراں فروشوں کیخلاف گھیرا تنگ کیا جائے گا، وزیر اعلیٰ پنجاب کی ہدایت پر محض کاغذی گندم خریدنے اور مصنوعی مہنگائی کرنیوالے عناصر کی کڑی نگرانی کی جائے گی، ڈاکٹر احسان بھٹہ نے فوڈ ڈائریکٹوریٹ کو ماضی میں گندم سٹاک رکھنے والے لائسنس ہولڈرز کا تقابلی جائزہ رپورٹ پیش کرنے کی بھی ہدایت کردی،محکمہ لائیو سٹاک، زراعت افسران اور صوبہ بھر کے ڈسٹرکٹ فوڈ کنٹرولرز نے بھی بذریعہ ویڈیو لنک اجلاس میں شرکت کی۔