وزیراعلی پنجاب مریم نواز شریف کی ہدایات پرڈویژنل انتظامیہ سیلاب متاثرین کی بحالی کے لئے تمام دستیاب وسائل بروئے کار لا رہی ہے، اس سلسلہ میں کمشنر فیصل آباد راجہ جہانگیر انورنے ضلع چنیوٹ کا دورہ کیا۔ڈپٹی کمشنر صفی اللہ گوندل بھی ہمراہ تھے۔فلڈ ریلیف کیمپس کا دورہ اور ہائی ویز کی طرف سے سیلابی علاقوں کے راستوں کی مرمت وبحالی کے کاموں کا جائزہ لیا گیا ۔
موضع رشیدہ جھنگ روڑ،متھرومہ،اڈا پٹھان کوٹ،جامعہ آباد میں قائم فلڈ ریلیف کیمپ قائم کئےگئے ہیں۔کمشنر فیصل آباد راجہ جہانگیر انور نےکیمپس میں مقیم سیلاب زدگان کو فراہم کی جانے والی سہولیات کا مشاہدہ کیا۔سیلاب متاثرین سے تین وقت کا کھانا ملنے کے حوالے سے دریافت کیا۔ہیلتھ کیمپ پر ادویات کی دستیابی چیک کی۔مین روڑ پر زراعت ولائیو سٹاک کے سٹال پر مویشیوں کے چارہ کی دستیابی دیکھی۔موقع پر موجود کسانوں سے بات چیت اور چارہ ملنے کے حوالے سے استفسار کیا۔علاوہ ازیں موضع لودھرا نوشہرہ کا بھی دورہ کیا،ہائی ویز کی طرف سے سیلاب کے بعد سڑک کی بحالی کے جاری کاموں کا معائنہ کیا۔کمشنر فیصل آباد راجہ جہانگیر انور نے کہا ہے کہ سیلاب متاثرین کی مکمل بحالی کے چینلج میں کامیابی کے لئے پرعزم ہیں۔سیلاب متاثرین کو فلڈ ریلیف کیمپس میں ہر ممکن سہولیات کی فراہمی یقینی بنائی جارہی ہے۔ڈویژنل وضلعی انتظامیہ متاثرین کی آبادکاری کے سرتوڑکوششیں جاری رکھے ہوئے ہے۔
