*وزیراعلیٰ مریم نواز شریف نے”ون پنجاب ون سٹینڈرڈ“ کی پالیسی اپنانے کی منظوری دے دی*

وزیراعلیٰ مریم نواز شریف کی زیر صدرات خصوصی اجلاس منعقد ہوا،جس میں سٹینڈرڈائزیشن (Standardization))اور اربن ڈیزائن کے لئے خود مختار اتھارٹی بنانے پر غور کیا گیا۔اجلاس میں سٹینڈرڈائزیشن اور ڈیزائن یونٹ قائم کرنے کا اصولی فیصلہ کیا گیا۔ صوبے میں پہلی مرتبہ انفراسٹرکچراور ڈیزائن سٹینڈرڈائزیشن کا بھی فیصلہ کیا گیا ہے۔اجلاس میں وزیراعلیٰ مریم نواز شریف نے سٹینڈرائزڈ ڈیزائن مینوئل تیار کرنے کا حکم دیاہے۔ اس موقع پر روڈز کے کنارے کیاسک/چھوٹی دکانوں کے کیبن کے یکساں ڈیزائن مقرر کرنے پر غورکیا گیا۔ اجلاس میں صوبہ بھر میں یکساں روڈ، گرین بیلٹ، سائن بورڈ، فٹ پاتھ بنانے کا فیصلہ کیا گیاہے۔ اجلاس میں وزیراعلیٰ مریم نواز شریف کو انفراسٹرکچر سٹینڈرڈائزیشن پر تفصیلی بریفنگ دی گئی۔بریفنگ میں بتایا گیا کہ سکول، ہسپتال، بس سٹاپ اور دیگر عمارتوں کے ڈیزائن کی سٹینڈرڈائزیشن کی جائے گی۔وزیراعلیٰ مریم نواز شریف نے کہا کہ پنجاب کے ہر شہر کو دلکش اور خوبصورت بنانا چاہتے ہیں۔ انفراسٹرکچر اور روڈز فرنیچر کے یکساں ڈیزائن شہر کو جمالیاتی طور پر پرکشش بناتے ہیں۔