وزیر اعلیٰ پنجاب کی ہدایت پر بنیادی اشیاء ضروریہ کی بلا تعطل سپلائی بارے سیکرٹری پرائس کنٹرول ڈاکٹر کرن خورشید کی زیر صدارت اہم اجلاس ہوا، صوبہ بھر سے ڈپٹی کمشنرز اور فوڈ ڈائریکٹوریٹ کے افسران نے بذریعہ ویڈیو لنک شرکت کی، بریفنگ میں بتایا گیا کہ گزشتہ 24 گھنٹوں میں پنجاب کے تمام اضلاع میں 8 لاکھ 11 ہزار سے زائد آٹا تھیلوں کی ترسیل یقینی بنائی گئی، لاہور ڈویژن کی عام مارکیٹ میں 2 لاکھ 40 ہزار 705 آٹا تھیلے فراہم کیے جاچکے ہیں،امپورٹ شدہ چینی مارکیٹ میں آنے سے عام مارکیٹ میں سٹاک کی وافر دستیابی ہوگی، سیکرٹری پرائس کنٹرول نےپنجاب بھر میں آٹے اور چینی کی سپلائی اور ترسیل کو ہر صورت یقینی بنانے کی ہدایت کی، ان کا کہنا تھا کہ عام مارکیٹ میں 10 کلوگرام آٹا تھیلہ 905 جبکہ 20 کلوگرام آٹا تھیلہ 1810 روپے میں فروخت ہورہا ہے، ڈاکٹر کرن خورشید نے واضح کیا کہ ناجائز ذخیرہ اندوزی اور مصنوعی مہنگائی کرنیوالے عناصر کیخلاف بلا امتیاز کارروائیاں کی جائیں، صوبہ بھر میں اشیاء ضروریہ کی مقرر کردہ نرخوں پر فروخت ہر صورت یقینی بنائی جائے گی۔
